પોલીસ કર્મચારીએ કાર પરનો કાબૂ ઘુમાવી ગાંધીનગરના ઘ – 3 સર્કલમાં કાર ઘૂસાડી દીધી, સદનસીબે જાનહાનિ ટળી

ગાંધીનગરમાં આજે સવારના સમયમાં અમદાવાદથી આવતી શિફ્ટ કારના ચાલકે સ્ટિયરિંગ પરનો કાબૂ ગુમાવી કારને ઘ – 3 ના સર્કલમાં ઘુસાડી દેતા લોકોના શ્વાસ અદ્ધર થઈ ગયા હતા. તો દારૂના નશામાં પોલીસ કર્મચારી કાર ચલાવતો હોવાનું પ્રાથમિક તબક્કે જાણવા મળ્યું.

આજે સવારના સમયમાં બેફામ ગતિએ દોડતી કાર ડિવાઇડર કૂદીને ઘ – 3 સર્કલમાં ઘૂસી જતાં લોકોના શ્વાસ અધ્ધર ચડી ગયા હતા. સવારે એક બાજુ બાળકો સ્કૂલે જઈ રહ્યા હતા તે સમયે કાર પૂરપાટે ઘ – 3 સર્કલમાં ઘૂસી ગઈ હતી. જેથી આસપાસના લોકો દોડી આવ્યા હતા. જો કે સદનસીબે આ અકસ્માતમાં કોઈને જાનહાનિ થવા પામી ન હતી. લોકોના જણાવ્યા મુજબ કારનો ચાલક પોલીસ કર્મચારી હતો અને દારૂ પીધેલી હાલતમાં હતો. આ અંગે પોલીસ વધુ તપાસ ચલાવી રહી છે.