ગળપાદર હાઇવે પર ટ્રેઇલરે એક્ટિવાને અડફેટે લેતા અકસ્માત સર્જાયો: વૃધ્ધાનું ઘટનાસ્થળે મોત

સવારે ગળપાદર હાઇવે પર પૂરપાટ ઝડપે જતા ટ્રેઇલર ચાલકે એક્ટિવાને ટક્કરે લેતાં પોતાના નણંદના દિકરા સાથે દવાખાને જઇ રહેલા 66 વર્ષીય વૃધ્ધા ઉપરથી ટ્રેઇલરનો જોટો ફરી જતાં ઘટનાસ્થળે કમકમાટીભર્યું મોત થયું હતું.

મળતી માહિતી અનુસાર અંજારના રામકૃષ્ણ મહાવિરનગરની યમુના પાર્ક સોસાયટીમાં રહેતા 66 વર્ષીય વસંતબેન ભીખાભાઇ રાઠોડ (વાળંદ) તેમના નણંદના પુત્ર વિશ્રામભાઇ જોડે એક્ટિવા પર સવારે 9 વાગ્યાના એક્ટિવા પર ગાંધીધામ દવા લેવા જઈ રહ્યા હતા. સવા નવ વાગ્યાની વેળામાં તેઓ ગળપાદર હાઇવે પર હ્યુડાઇ શો-રૂમ સામે પૂરપાટ ઝડપે જઇ રહેલા ટ્રેઇલર ચાલકે એક્ટિવાને ઠોકર મારતાં પાછળ સવાર 66 વર્ષીય વસંતબેન ફંગોળાઇ રોડ પર પડકાઇ ગયા હતા. તેમના ઉપરથી ટ્રેઇલરનો જોટો ફરી જતાં ઘટનાસ્થળે તેમનું મોત નિપજ્યું હતું.બનાવની જાણ થતાં જ પોલીસે ઘટનાસ્થળે પહોંચી મૃતદેહ પીએમ અર્થે મોકલાવ્યો હતો અને ફરિયાદ દાખલ કરવાની તજવીજ હાથ ધરવામાં આવી હતી.