બોડેલી નજીક બાઈક સ્લિપ થતાં એક યુવકનું મોત, એક ઘાયલ

બોડેલી તાલુકાના કડીલા ગામના બે યુવકો રાતે બાઈક લઇને બોડેલી પાસે મુલધાર ગામમાં ભજનમાં ગયા હતા. રાતે પાછા ફરતા સમયે બોડેલીની અલીપુરા ચોકડી નજીક બાઈક સ્લીપ થતા બાઈક ચાલકને ઈજાઓ પહોચી જ્યારે બાઈક સવાર યુવકને ગંભીર ઈજાઓ પહોચતા ડોક્ટરે તેને મૃત ઘોષિત કર્યો હતો. બોડેલી પોલીસે ગુનો દાખલ કરી તપાસ હાથ ધરી છે.

કડીલાના બારીયા ફળિયામાં રહેતા અમરસિહ બારીયાના પુત્ર નરસિંહ ઉ. વ. 42 અને ગામનો શૈલેષ નામનો યુવક પોતાની બાઈક લઈને મુલધર ગામમાં ભજનમાં જવાનું છે, તેમ કહીને રાતે નીકળ્યા અને મોડી રાતે પરત ફરતા હતા ત્યારે બોડેલીના અલીપુરા ચોકડી પરથી પૂરપાટ જતી બાઈક અચાનક સ્લીપ થતા ચાલક શૈલેષને ઈજાઓ પહોચી પણ બાઈક સવાર નરસિંહને ગંભીર ઈજાઓ થઈ હતી.