ધારીના ખીચાથી દેવળા જવાના માર્ગે ટ્રક અને બાઇક વચ્ચે અકસ્માત; 2ના મોત નિપજ્યાં

મળતી માહિતી અનુસાર ધારગણીમા રહેતા મહેશભાઇ મશરૂભાઇ સોલંકીએ ધારી પોલીસ મથકમા દાખલ કરાવેલ ફરિયાદમા જણાવ્યું હતુ કે તેના મોટા બાપુજીના ઘરે મકાન રીપેરીંગનુ કામ ચાલુ હોય હિમખીમડીપરામા રહેતા કાળુભાઇ અબ્દુલભાઇ બ્લોચ (ઉ.વ.65) મજુરીકામ માટે આવ્યા હતા. કામ પુર્ણ થઇ જતા અશોકભાઇ મશરૂભાઇ સોલંકી (ઉ.વ.25) મોટર સાયકલ નંબર જીજે 05 એચએમ 8419મા તેને બેસાડી હિમખીમડીપરા મુકવા માટે જતા હતા ત્યારે કાપેલ ધાર પાસે પહોંચ્યા તે દરમિયાન  પુર ઝડપે આવી રહેલા ટ્રક નંબર આરજે 51 જીએ 1987ના ચાલકે તેમની સાથે અકસ્માત થયો હતો. અકસ્માત તથા બંનેને ગંભીર ઇજા પહોંચતા બંનેનુ ઘટના સ્થળે જ મૃત્યુ થયું હતુ. અકસ્માત સર્જી ટ્રક ચાલક નાસી ગયો હતો. બંનેની લાશને પીએમ અર્થે ધારી સરકારી દવાખાને ખસેડાઈ હતી. ઘટના અંગે પીએસઆઇ એન.બી.ભટ્ટ આગળની તપાસ ચલાવી રહ્યાં છે.