ભુજમાં કાર ચાલકે વૃધ્ધાને અડફેટે લેતા અકસ્માત સર્જાયો

ભુજ એ-ડિવિઝન પોલીસ મથકે ફરિયાદ દાખલ કરાવતા મીનાક્ષીબેન દિલીપગીરી ગુસાઈએ ફરિયાદમાં જણાવ્યુ હતું કે, તેમના સાસુ બચુબેન અમરતગીરી ગુસાઈ નિત્યક્રમ અનુસાર સાંજના આશરે સવા સાતેક વાગ્યાના અરસામાં કૂતરાને બિસ્કિટ ખવડાવવા ઘરની બહાર નીકળ્યા હતા. તે દરમિયાન ગ્રે કલરની અલ્ટો ગાડીના ચાલકે પૂરઝડપે અને બેદરકારીથી ગાડી હંકારી ફરિયાદીના સાસુને પાછળથી અડફેટે લેતા આ અકસ્માત સર્જાયો હતો. અકસ્માતમાં બચુબેન જમીન પર પડી જતાં શરીરે ઇજાઓ પહોચી હતી. જ્યારે કાર ચાલક અકસ્માત સર્જી નાસી ગયો હતો. ફરિયાદીના સાસુ બચુબેનને જી.કે.જનરલ હોસ્પિટલ સારવાર અર્થે ખસેડાયા હતા. જ્યાં ફરજ પરના તબીબે બચુબેનને જમણા પગ તથા ડાબા હાથમાં ફેકચર તેમજ શરીરના અન્ય ભાગે મૂઢમાર ઇજાઓ પહોચી હોવાનું જણાવ્યુ હતું. પોલીસે કાર ચાલક વિરુદ્ધ ગુનો દાખલ કરી વધુ તપાસ હાથ ધરી છે.