મુન્દ્રા પોલીસે દારૂ સાથે 1 શખ્સને ઝડપ્યો, 34,000નો મુદ્દામાલ જપ્ત

મુન્દ્રા પોલીસ પેટ્રોલીંગ કરી રહી હતી ત્યારે બારોઈ રોડ પર સ્વામિનારાયણ મંદીર પાસે વાહન ચેકિંગ દરમિયાન ખાનગી રાહે બાતમી મળી હતી કે, એક બ્લુ કલરની એક્ટિવાનો ચાલક એક્ટિવામાં વિદેશીદારૂ લઈને જવાનો છે. આ બાતમીના આધારે કાર્યવાહી દરમિયાન એક બાતમી વાળી બ્લુ કલરની એક્ટિવા આવતી નજરે પડતાં તેને અટકાવી પૂછપરછ કરવામાં આવી હતી. એક્ટિવા ચાલકે પોતાનું નામ નરેશ ડોસાભાઈ ગઢવી હોવાનું જણાવ્યુ હતું. એક્ટિવાના આગળના ભાગમાં રહેલા બોક્ષમાં તપાસ કરતાં ભારતીય બનાવટની વિદેશી દારૂની 10 બોટલો મળી આવી હતી.પોલીસે આરોપીને આ મુદ્દામલ અંગે પૂછતાં વિનોદ ખીમજી ચાવડા (રહે, મફતનગરી મુન્દ્રા)આપી ગયો હોવાનું જણાવ્યુ હતું.

પોલીસે નરેશ ડોસાભાઈ ગઢવીની અટકાયત કરી તેની પાસેથી ભારતીય બનાવટની વિદેશીદારૂની 10 બોટલો કી.રૂ.4000, એક મોબાઈલ ફોન કિ.રૂ.5000 તથા દારૂની હેરફેર માટે ઉપયોગમાં લીધેલ GJ-12-EN-3406 એક્ટિવા કિ.રૂ. 25,000 એમ મળી કુલ.કિ.રૂ. 34,000નો મુદ્દામાલ જપ્ત કર્યો હતો. પોલીસે બંને આરોપીઓ વિરુદ્ધ ગુનો દાખલ કરી આગળની વધુ કાર્યવાહી હાથ ધરી છે.