ગાંધીધામ એ-ડિવિઝન પોલીસે દારૂ સાથે એક ઇસમને ઝડપી પાડી, 62,200નોમુદ્દામાલ કર્યો કબ્જે

ગાંધીધામ એ-ડિવિઝન પોલીસ પેટ્રોલીંગમાં હતી તે દરમિયાન ખન્ના માર્કેટ પાસે પહોચતા ખાનગી રાહે બાતમી મળી હતી કે, 400 ક્વાટર્સમાં ચબૂતરા વાળી ગલીમાં એક શખ્સ GJ-12-DJ-1451 એક્સિસ લઈને ઊભો છે જેની ડીકીમાં વેચાણ અર્થે અંગ્રેજી દારૂની બોટલો રાખેલ છે. પોલીસે બાતમીવાળા સ્થળ પર જઈ તપાસ કરતાં બાતમીવાળી એક્સિસ નજરે પડી હતી.  એક્સિસ ચાલકને પૂછપરછ કરવામાં આવતા પોતાનું નામ રાજકુમાર ઉર્ફે રાજા ટેકચંદ ભાનુશાલી હોવાનું જણાવ્યુ હતું. પોલીસે એક્સિસની ડીકી તપાસતા દારૂની 6 બોટલો મળી આવી હતી. પોલીસે આરોપી રાજકુમાર ઉર્ફે રાજા ટેકચંદ ભાનુશાલીની અટકાયત કરી તેની પાસેથી ભારતીય બનાવટની દારૂની 6 બોટલો કિ.રૂ.2200, 1 મોબાઈલ ફોન કિ.રૂ.10000, દારૂની હેરફેર માટે ઉપયોગમાં લેવાયેલ GJ-12-DJ-1451 એક્સિસની કિ.રૂ.50,000 એમ મળી કુલ કિ.રૂ. 62,200નો મુદ્દામાલ જપ્ત કર્યો હતો. પોલીસે આરોપી વિરુદ્ધ ગુનો દાખલ કરી કાયદાકીય કાર્યવાહી હાથ ધરી છે.