ખેડોઈ અંજાર રોડ પર અજાણ્યા વાહન ચાલકે યુવકને અડફેટે લેતા યુવકનું મોત નીપજયું

ખેડોઈ અંજાર રોડ પર અજાણ્યા વાહન ચાલકે રોડ ક્રોસ કરી રહેલા યુવકને અડફેટે લેતા તેનું મોત નીપજયું હતું. આ અંગે પોલીસના સત્તાવાર સાધનો પાસેથી મળતી માહિતી અનુસાર તા.7-2ના રાત્રે ખેડોઈ અંજાર રોડ પર આ અકસ્માત સર્જાયો હતો. યુવક મોહન રમેશભાઈ રાય રસ્તો ક્રોસ કરી રહ્યા હતા તે દરમિયાન કોઈ અજાણ્યા વાહન ચાલકે પોતાના કબજામાં રહેલ વાહન પૂરઝડપે અને બેદરકારીથી ચલાવી યુવકને અડફેટે લીધો હતો. આ ઘટનામાં  યુવકને ગંભીર ઈજાઓ પહોચતા અંજાર સરકારી હોસ્પિટલ મધ્યે ખસેડાયો હતો. જ્યાં ફરજ પરના તબીબે યુવકને મૃત જાહેર કર્યો હતો. જ્યારે આ અકસ્માત  સર્જી અજાણ્યો વાહન ચાલક અકસ્માત સ્થળેથી નાસી ગયો હતો. અંજાર પોલીસે અજાણ્યા વાહન ચાલક વિરુદ્ધ ગુનો નોંધી વધુ તપાસ હાથ ધરી છે.