ગુણાતીતપુર પાસે અજાણ્યા વાહન ચાલકે મહિલાને અડફેટે લેતા મહિલાનું મોત નીપજયું…
આ અંગે પોલીસના સત્તાવાર સાધનોમાથી મળતી માહિતી અનુસાર ગુણાતીતપુરમાં રહેતા કુવરબેન મોમાયા કોલી ખેતરમાં કામ કરી ઘરે આવી રહ્યા હતા તે દરમિયાન ગુણાતીતપુર રોડ પર આવેલ નારિયેળની વાડી પાસે પહોચતા એક અજાણ્યા વાહન ચાલકે પોતાના કબજાનું વાહન પૂરઝડપે અને બેદરકારીથી ચલાવી કુવરબેનને અડફેટે લીધા હતા. આ ઘટનામાં કુવરબેનને માથાના ભાગે તેમજ છાતીના ભાગે ઇજાઓ પહોચતા તેમનું ઘટના સ્થળે જ મોત નીપજયું હતું. જોકે વાહન ચાલક ઘટના સ્થળેથી નાસી ગયો હતો. પોલીસે આ અંગે ગુનો નોંધી તપાસ હાથ ધરી છે.
