ભુજ શહેરના ઝૂંપડપટ્ટીના રહેવાસીઓએ નશાયુક્ત હાલતમાં કર્યો હંગામો ; પોલીસે એક શખ્સની કરી ધરપકડ

ભુજ  ખાતે આવેલ  મુંદરા તરફ જતા ધોરીમાર્ગ પર રસ્તાની બન્ને તરફ ઊભી થયેલી વસાહતોમાં મોડી સાંજે અમુક લોકો દ્વારા હંગામો ઊભો કરી દેવાયો હતો. આ બાબતે પોલીસને જાણ થતાં તુરંત પોલીસ ત્યાં પહોંચી આવેલ હતી.  નશાયુક્ત હાલતમાં અમુક ઈશમો  ધમાલ મચાવી અશોભનીય વર્તન કરી રહ્યા હતા. તેમજ ગાળા ગાળી કરતા આ શખ્સોએ રસ્તા પરથી પસાર થતા લોકોને પણ કનડગત કરી બોલાચાલી કરી રહ્યા હતા. આ મામલો વધતાં પોલીસે દોડી જઈ એક શખ્સની ધરપકડ કરી હતી તેવું જાણવા મળેલ હતું.