ભુજ ખાતે આવેલ દહીંસરામાંથી  8.33 લાખના મુદ્દામાલ સાથે 12  જુગારપ્રેમીઓને ઝડપી પાડતી માનકુવા પોલીસ

ભુજ ખાતે આવેલ દહીંસરા ગામે સરલી તરફ જતા માર્ગ પર રેવાબેન ગોવિંદભાઇ સોલંકીની વાડીમાં આવેલા ડેલાના ઓટલા પર જાહેરમાં તીનપત્તીનો જુગાર રમતા 12 શખ્સોને રોકડા રૂા. 78,500 તથા 11 મોબાઇલ કિં. રૂા. 1,00,000 અને છ ટુ-વ્હીલર વાહન કિં. રૂા. 1,55,000 અને એક કાર કિં. રૂા. 5,00,000 એમ કુલ રૂા. 8,33,500ના મુદ્દામાલ સાથે માનકૂવા પોલીસે ઝડપી પાડ્યા હતા. પોલીસે પકડાયેલ આરોપીઓ સામે જુગારધારાની કલમો તળે ગુનો નોંધી આગળની વધુ કાયદેસરની કાર્યવાહી હાથ ધરી હતી.