ભુજ ખાતે આવેલ માનકૂવામાં તીનપત્તીનો જુગાર રમતા સાત શખ્સોને પોલીસે ઝડપી પાડ્યા છે. આ મામલે સૂત્રો દ્વારા મળેલ માહિતી અનુસાર ગત દિવસે સવારના અરસામાં માનકૂવાના વથાણ ચોકમાં ઓટલા પર સાથ શખ્સો ગંજીપાના વડે રૂપિયાની હાર જીતનો તીનપત્તીનો જુગાર રમી રહ્યા હતા. આ શખ્સોને પોલીસે 5610ના મુદામાલ સાથે ઝડપી પાડ્યા હતા. પોલીસે પકડાયેલ શખ્સો પાસેથી તમામ મુદ્દામાલ કબ્જે કર્યો હતો. પોલીસે પકડાયેલ ખેલીઓ વિરુદ્ધ જુગારધારની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.