સલમાન અઝહરીના ભડકાઉ ભાષણ મામલે વધુ એક ફરિયાદ દાખલ

મુંબઈના મુફતી સલમાન અઝહરીની મુશ્કેલી હવે વધુ વધશે.સલમાન અઝહરીના ભડકાઉ ભાષણ મામલે તેની સામે વધુ એક ફરિયાદ દાખલ થઇ છે. 31 જાન્યુઆરીના કચ્છના સામખીયાળીમા પણ એક ધાર્મિક કાર્યક્રમનુ આયોજન થયુ હતુ જેમા મૌલાનાએ હાજરી આપી હતી અને ભડકાઉ ભાષણ આપ્યુ હતુ.વિડીયો સહિતના પુરાવા મેળવ્યા બાદ સામખીયાળી પોલીસ મથકે આયોજક મામદખાન મુર તથા મૌલાના સામે ફરીયાદ નોંધાઇ છે અને ભડકાઉ અને ઉશ્કેરણીજનક ભાષણ મામલે પોલીસે ફરીયાદ નોંધી વધુ તપાસ હાથ ધરવામાં આવી છે.ચર્ચાસ્પદ બનેલા મૌલાના સલમાન અઝહરીએ સામખીયાળીમા 31મી જાન્યુઆરીએ જુનાગઢમા જે રીતે ઉશ્કેરણીજનક વાત કરી હતી તેવું જ કચ્છમા ભાષણ આપ્યુ હતુ. સામખિયાળી ખાતે ગુલશને મોહમદી ટ્રસ્ટ દ્રારા કાર્યક્રમનું આયોજન કરવામાં આવ્યું હતું. જેમા મૌલાના સલમાન અઝહરી હાજર રહ્યા હતા અને ભાષણ દરમ્યાન ધાર્મીક સ્થળનો ઉલ્લેખ કરી ભડકાઉ અને ઉશ્કેરણીજનક ભાષણ આપ્યુ હતુ. જેનો વીડિયો સોશિયલ મીડિયામાં વાયરલ થયો હતો અને આ વીડિયો સામે આવ્યા બાદ આજે પોલીસે કાર્યવાહી કરી છે.હાલમાં સલમાન અઝહરી ગુજરાત ATS ના કબ્જામા છે અને તેની તપાસ ચાલુ છે. ફરિયાદ નોંધાયા બાદ હવે આગામી દિવસમા મૌલાના સલમાન અઝહરી સામે કચ્છ પોલીસ દ્વારા પણ કાર્યવાહી કરવામાં આવશે.જૂનાગઢના કાર્યક્રમમાં હેટ સ્પીચનો વીડિયો સામે આવ્યા બાદ કાર્યક્રમના આયોજક યુસુફ મલેક અને અઝીમ હબીબ સહિત મુફ્તી સલમાન અઝહરી પર કલમ 153એ, 505, 188, 114 અંતર્ગત FIR નોંધવામાં આવી હતી અને યુસુફ અને હબીબની ધરપકડ પણ કરવામાં આવી હતી. મુફ્તી સલમાન અઝહરીને મુંબઇથી ગુજરાત લવાયા હતા. જો કે આ પહેલા કચ્છમા આયોજીત એક કાર્યક્રમનો પણ સોશિયલ મીડિયામાં વિડીયો સામે આવ્યો છે.મૌલાના સલમાન અઝહરીએ જુનાગઢ પહેલા કચ્છના સામખીયાળીના એક કાર્યક્રમમાં પણ હાજરી આપી હતી. જેમાં પણ તે ધાર્મીક સ્થળોનો ઉલ્લેખ કરી ભડકાઉ ભાષણ આપતો નજરે પડે છે.વિવાદીત નિવેદન અને ધાર્મીક સ્થળના ઉલ્લેખ બાદ ધાર્મીક નારેબાજી કરીને લોકોને ઉશ્કેરણીજનક વાત કરતો વીડિયોમાં સાંભળવા મળી રહ્યો છે અને ત્યાં ઉપસ્થિત લોકો તેને સમર્થન આપી હાથ ઉંચા કરી રહ્યા છે.સામખિયાળી ખાતે થયેલ કાર્યક્રમ માઇકની મંજુરી સાથે યોજાયો હતો. મૌલાનાના ભાષણનો વાયરલ વીડિયોમાં મૌલાના વિવાદીત શબ્દો બોલતા દેખાઇ રહ્યા છે. પરંતુ તેની પૂરી પુષ્ટી કર્યા બાદ સામખિયાળી પોલીસ મથકે ફરિયાદ નોંધવામાં આવી છે. કોમી એકતાનુ પ્રતિક ધરાવતા કચ્છમાં આવા ભાષણથી પોલીસ સાથે અન્ય એજન્સીઓ પણ સતર્ક બની છે. પૂર્વ કચ્છ પોલીસ અધીક્ષક સાગર બાગમારે માહિતી આપતા જણાવ્યું હતું કે,આજે સામખિયાળી પોલીસ મથકે મૌલાના સલમાન અઝહરી અને આયોજક મામદ ખાન મુર વિરૂદ્ધ ફરિયાદ દાખલ કરવામાં આવી છે.આરોપીઓ વિરુદ્ધ આઇપીસી કલમ 153 બી , 505(2) અને અન્ય કલમો હેઠળ ગુનો નોંધાવામાં આવ્યો છે.ભડકાઉ ભાષણનો બનાવ છે તે 31 જાન્યુઆરી 2024ના સામખિયાળી ખાતે યોજાયેલ કાર્યક્રમમાં બન્યો હતો.ભડકાઉ ભાષણ માટે આરોપીઓ વિરૂદ્ધ આપીસીની કલમો તળે ગુનો નોંધવામાં આવ્યો છે.આ ઉપરાંત પૂર્વ કચ્છ પોલીસ દ્વારા લોકોને અપીલ કરવામાં આવી છે કે કોઈ પણ વ્યક્તિ કોઈ પણ પ્રકારની અફવા ના ફેલાવે અને કોઈ પણ અફવાનો ભાગ ના બને તેમજ કાયદો અને વ્યવસ્થા ખોરવાય તેવા પ્રશ્નો ના બને તે માટે તકેદારી રાખવી.હાલમાં મૌલાના જુંગઢ પોલીસની કસ્ટડીમાં છે તે કાર્યવાહી પૂર્ણ થશે ત્યાર બાદ અહીથી કાર્યવાહી કરવામાં આવશે.