ઇંગ્લિશ દારૂ સાથે એક શખ્સને ઝડપી પાડતી ભચાઉ પોલીસ

ભચાઉ પોલીસે ઇંગ્લિશ દારૂ સાથે એક શખ્સને ઝડપી પાડ્યો છે. ભચાઉ પોલીસે પેટ્રોલિંગમાં હતી તે દરમ્યાન વિજપાસર ગામ નજીક પહોંચતા તેમને ખાનગી રાહે બાતમી મળેલ હતી કે, સચિન નાગજી પરમાર નામનો શખ્સ વિજપાસર ગામના ત્રણ રસ્તા નજીક ઇંગ્લિશ દારૂનું વેચાણ કરી રહ્યો છે. મળેલ બાતમીના આધારે પોલીસે કાર્યવાહી હાથ ધરી અને બાતમી વાળા સ્થળ પર દરોડો પાડી 17,450ના દારૂના જથ્થા સાથે આરોપી શખ્સને  ઝડપી પાડ્યો હતો. પોલીસે પકડાયેલ શખ્સ પાસેથી તમામ મુદ્દામાલ કબ્જે કરી આરોપી શખ્સ વિરુદ્ધ ગુનો નોંધી આગળની વધુ કાયદેસરની કાર્યવાહી હાથ ધરી છે.