મરોલી-ઉભરાટ રસ્તા ઉપર આવેલ માંગરોળ ગામ પાસે ત્રણ સવારીબાઇક રસ્તા ઉપર ઊભેલા ટેમ્પો સાથે પાછળથી અથડાતા બાઇક પર પાછળ બેઠેલા યુવાનનું મૃત્યુ નીપજ્યું હતું. જ્યારે અન્ય એકને ગંભીર ઇજા પહોચી હતી. પ્રાપ્ત વિગતો મુજબ મરોલી પોલીસ સ્ટેશનમાં નરેશભાઇ પૂનમભાઇ પટેલ (રહે. મંદિર ફળિયું, માંગરોળ, તા. જલાલપોર)એ આપેલી ફરિયાદ મુજબ તેમનો છોટા હાથી ટેમ્પો નંબર જીજે ૨૧ વી ૭૮૧૯ માંગરોળ ગામની હદમાં રસ્તાની એક સાઇડે ઊભો હતો તે દરમિયાન એક ગ્લેમર મોટરસાઇકલ નંબર જીજે ૫ એચઇ ૭૧૩૩નો ચાલક ઓમપ્રકાશ યાદવ (રહે. તાતીથૈયા, કડોદરા, સુરત) પોતાની મોટરસાઇકલ પર અન્ય બે શખ્સોને બેસાડી ત્રણ સવારી ઉભરાટ તરફથી પૂરઝડપે આવી રહ્યા હતો. બાઇકચાલકે પોતાની બાઇક ત્યાં ઊભેલા છોટા હાથી ટેમ્પો સાથે ધડાકાભેર અથડાવતા બાઇક પર પાછળ બેઠેલ નરેન્દ્ર રામબલી યાદવ (રહે. સોનીપાર્ક, કડોદરા, સુરત) ગંભીર ઇજાઓ પહોચતા તેનું મૃત્યુ નીપજ્યું હતું. જ્યારે વચ્ચે બેઠેલા મનોજ યાદવને બંને પગે તથા આખા શરીરે ગંભીર ઇજા પહોચી હતી. બાઇકની ટક્કર લાગતા રસ્તા પર ઊભેલો ટેમ્પો નજીકનાં ખાડામાં પડી ગયો હતો. આ ફરિયાદને આધારે પોલીસે ઓમપ્રકાશ યાદવ સામે ઇ.પી.કો.ની કલમ તથા એમ.વી. એકટની કલમ તથા મુજબ ગુનો દાખલ કર્યો હતો.
