આદિપુરમાં જુગાર રમતાં ૬ શખસોની  ધરપકડ કરવામાં આવી હતી. તેમની પાસેથી રોકડા રૂ.૧૦,૩૦૦નો મુદ્દામાલ જપ્ત  કરવામાં આવ્યો હતો. તમામની સામે જુગાર ધારાની કલમો હેઠળ ગુનો નોંધીને આગળની કાર્યવાહી હાથ ધરવામાં આવી હતી. પ્રાપ્ત માહિતી મુજબ પોલીસની ટીમ પેટ્રોલિંગમાં હતી. આ દરમ્યાન બાતમીના આધારે આદિપુરની ક્રિષ્ના હોસ્પિટલની સામે રમાઇ રહેલા જુગાર પર દરોડો પાડવામાં આવ્યો હતો, જેમાં શામજીભાઇ રામજીભાઇ બવા, ગોપાલ પાંચાભાઇ બવા, અશોક કનૈયાલાલ જીવનાની, કિશોર અરજણભાઇ ગઢવી, જુણસ ઇશાકભાઇ ખલીફા, હીરજી કાનજી બારોટને પકડી પાડવામાં આવ્યા હતા. જેમની પાસેથી કુલ રોકડા રૂ.૧૦,૩૦૦નો મુદ્દામાલ કબજે કરવામાં આવ્યો હતો.