આદિપુરમાં 32 હજારના  દારૂ સાથે એક ઝડપાયો

આદિપુરમાં પોલીસે રૂા. 32,190ના દારૂ સાથે એક શખ્સની અટક કરી હતી. આદિપુરના સિંધુવર્ષા ચાર  રસ્તા પાસે નંબરપ્લેટ વિનાના એક્સેસ દ્વિ-ચક્રીય વાહનને રોકાવીને  તપાસ હાથ ધરી હતી.  દરમ્યાન  તેમાંથી ભારતીય બનાવટના અંગ્રેજી દારૂની બોટલ નં. 37 કિં. રૂા. 31,290 તથા ક્વાર્ટરિયા નંગ. 9 કિં. રૂા. 900નો મુદ્દામાલ મળ્યો મળી આવ્યો હતો. 45 હજારની કિંમતનાં વાહન સાથે આરોપી  વિનોદ ઉર્ફે બાદશાહ  હિરજી મહેશ્વરીની પોલીસે ધરપકડ કરી હતી. આ પ્રકરણમાં સામેલ આરોપી હરેશ ઘનશ્યામભાઈ પીમનાણીને  પકડી પાડવા પોલીસે ચક્રો ગતિમાન કરી વધુ તપાસ આરંભી છે.