આજરોજ ભરૂચના લિંક રોડ ખાતે આવેલા શ્રી ભૃગૂપુર મોઢ મોદી સમાજના કુળદેવી શ્રી મોઢેશ્વરી માતાનો આઠમો પાટોત્સવ ઉજવવામાં આવ્યો હતો. જેના ભાગરૂપે સવારના ૭:૩૦ કલાકે આરતી કરવામાં આવી હતી, ત્યારબાદ કેક કાપવામાં આવી હતી.ત્યારબાદ બપોરના ૩:૦૦ કલાકે માતાજીનો હવન અને સાંજના ૫:૦૦ કલાકે હવનમાં શ્રીફળ હોમવામાં આવ્યું હતું.ત્યારબાદ સાંજના ૫:૩૦ કલાકે માતાજીની મહાઆરતી અને સાંજના ૬ કલાકે મહાપ્રસાદી આપવામાં આવી હતી. જેમાં મોટી સંખ્યામાં ભાવિક ભક્તોએ હાજર રહીને માતાજીનું પૂજન, અર્ચન, દર્શન, હવન, આરતી અને મહાપ્રસાદીનો લાભ લઈને પોતાના જીવનને ધન્ય બનાવ્યું હતું.
