સાબરકાંઠામાંથી 3.48 લાખનો દારૂ ઝડપાયો : દારૂની ગાડીનું પાયલોટિંગ કરવામાં પોલીસ કોન્સ્ટેબલનું નામ સામે આવ્યું?

અરવલ્લી બાદ હવે સાબરકાંઠામાં ઝડપાયેલા વિદેશી દારૂમાં પોલીસ કોન્સ્ટેબલનું નામ સામે આવ્યું હોવાનો કિસ્સો સપાટી પર આવ્યો છે. ત્યારે આ મામલે સૂત્રોમાંથી પ્રાપ્ત થતી વિગતો મુજબ સાબરકાંઠા પોલીસના નાક નીચે SMCની ટીમે પ્રાંતિજ પાસેથી વિદેશી દારૂ પકડ્યો છે.

આ મામલે વર્તુળોમાંથી વધુમાં પ્રાપ્ત થતી વિગતો મુજબ સાબરકાંઠા ખાતે આવેલ પ્રાંતિજ નજીક આ કાર્યવાહી હાથ ધરવામાં આવી હતી. જાણવા મળી રહ્યું છે કે હાથ ધરવામાં આવેલ કાર્યવાહી દરમ્યાન SMCની ટીમે દરોડા પાડી વિદેશી દારૂનો જથ્થો ઝડપી પાડ્યો છે. આ કાર્યવાહી દરમ્યાન 3.48 લાખની કિમતની વિદેશી દારૂની 1231 બોટલ કબ્જે કરવામાં આવી છે. વધુમાં જાણવા મળી રહ્યું છે કે આ ગુનાની નોંધાવવામાં આવેલ ફરિયાદમાં દારૂની ગાડીનું પાયલોટિંગ કરવામાં પોલીસ કોન્સ્ટેબલનું નામ સામે આવ્યું છે. આ મામલે તમામ મુદ્દામાલ કબ્જે કરી પોલીસે આગળની વધુ તપાસ હાથ ધરી હોવાનું સામે આવ્યું છે.