ભચાઉ નજીક સર્જાયેલ ગોઝારા અકસ્માતમાં માસૂમ બાળકીએ જીવ ગુમાવ્યો

ભચાઉ નજીક એક બાઈકને ટ્રેઈલરે હડફેટમાં લેતા ગમખ્વાર અકસ્માત સર્જાયો હતો જેમાં એક માસૂમ બાળકીએ જીવ ગુમાવ્યો છે. આ બનાવ અંગે વર્તુળોમાંથી પ્રાપ્ત થતી વિગતો મુજબ ગત તા. 24/1ના સાંજના અરસામાં ભચાઉના કસ્ટમ સર્કલ નજીક આ ગોઝારો અકસ્માત સર્જાયો હતો. કુલદીપસિંહ નવલસિંહ ઝાલા અને તેમની દીકરી ધ્રુવીશાબા બાઇક લઈને જઈ રહ્યા હતા તે દરમ્યાન  પુરપાટ આવતા  ટ્રેઇલરએ આ બાઇકને હડફેટમાં લેતા આ ગોઝારો અકસ્માત સર્જાયો હતો. સર્જાયેલ અકસ્માતમાં પિતા-પુત્રીને ગંભીર ઇજાઓ પહોંચી હતી. બંનેને સારવાર અર્થે લઇ જવામાં આવતા બાળકીને મૃત જાહેર કરવામાં આવેલ હતી. તેમજ કુલદીપસિંહ સારવાર હેઠળ હોવાનું સામે આવ્યું છે. આ અંગે ટ્રેઈલર ચાલક વિરુદ્ધ પોલીસ મથકે ફરિયાદ નોંધાવવા આવતા પોલીસે આગળની વધુ તપાસ આરંભી છે.

આમારા કચ્છ કેર TV ન્યૂઝની એપ ડાઉનલોડ કરો :-