નોખાણિયા-લોરિયા માર્ગ પર બે બાઇક વચ્ચે સર્જાયેલ અકસ્માતમાં ઢોરીના 26 વર્ષીય યુવાને જીવ ગુમાવ્યો

નોખાણિયા-લોરિયા વચ્ચે બે બાઇકના સર્જાયેલ અકસ્માતમાં ઢોરીના 26 વર્ષીય યુવાનને જીવ ગુમાવવાનો વારો આવ્યો છે. આ બનાવ અંગે વર્તુળોમાંથી પ્રાપ્ત થતી વિગતો મુજબ મેહુલભાઇ ગાગલ અને મયૂરભાઇ માવજીભાઇ ખાસા એ બે મિત્રો  બાઇક પર કુનરિયાથી નખત્રાણા તરફ જઇ રહ્યા હતા તે દરમ્યાન નોખાણિયા અને લોરિયા વચ્ચે અન્ય બાઇક સાથે ટક્કર થતાં અકસ્માત સર્જાયો હતો. સર્જાયેલ અકસ્માતમાં આ બંને યુવાનો ગંભીર રીતે ઘાયલ થતાં તેમને સારવાર અર્થે ભુજની જી.કે. જનરલ હોસ્પિટલ લઈ જવામાં આવેલ હતા જ્યાં સારવાર દરમ્યાન ઢોરીના 26 વર્ષીય યુવાન મેહુલનું મોત થયું હતું. બનાવને પગલે સમગ્ર પરીવારમાં શોકનો માહોલ છવાયો હતો. આ બનાવ અંગે પોલીસે આગળની વધુ તપાસ આરંભી છે. 

આમારા કચ્છ કેર TV ન્યૂઝની એપ ડાઉનલોડ કરો :-