નખત્રાણાના નિરોણામાંથી ખીચોખીચ પાડા ભરેલી બોલેરો ગાડી સાથે ત્રણની અટક
copy image
નખત્રાણા ખાતે આવેલ નિરોણામાંથી ખીચોખીચ પાડા ભરેલી એક બોલેરો ગાડીને પોલીસે પકડી ઉપરાંત ત્રણ શખ્સો વિરુદ્ધ ગુનો નોંધવામાં આવેલ છે. આ મામલે સૂત્રોમાંથી પ્રાપ્ત થતી વિગતો મુજબ નિરોણા પોલીસને ખાનગી રાહે બાતમી મળેલ હતી કે, નિરોણા ગામના આહીરવાસ નજીક એક બોલેરો ગાડીમાં ખીચોખીચ પાડા ભરીને લઈ જવાઈ રહ્યા છે. મળેલ બાતમીના આધારે પોલીસે કાર્યવાહી હાથ ધરી અને બિબ્બર બાજુથી નિરોણા બાજુ આવતી બોલેરો ગાડીને ઊભી રખાવી તેની તપાસ કરવામાં આવતા ચાલકે ગાડી ભગાવી હતી. પોલીસે આ બોલેરો ગાડીનો પીછો કરી ઊભી રખાવતાં તેમાં 10 પાડા ખીચોખીચ ભરેલા જોવા મળી આવ્યા હતા. ગાડીમાં સવાર શખ્સોને પૂછતાછ કરતાં તેઓ આ અંગે કોઈ આધાર પુરાવા રજુ ન કરી સકતા પોલીસે ત્રણેય વિરુદ્ધ ગુનો દાખલ કરી વધુ કાયદેસરની કાર્યવાહી હાથ ધરી છે.
આમારા કચ્છ કેર TV ન્યૂઝની એપ ડાઉનલોડ કરો :-
