ગુજરાત ATSએ ડ્રગ્સનું ગોડાઉન ઝડપી પાડ્યું : 50 કરોડનું રો મટિરિયલ કરાયું કબ્જે
copy image
ગુજરાતમાંથી ડ્રગ્સનું ગોડાઉન પકડાયું હોવાના અહેવાલો સામે આવી રહ્યા છે. ત્યારે આ મામલે સૂત્રોમાંથી પ્રાપ્ત થતી વિગતો મુજબ ધોળકામાંથી ગુજરાત ATSએ ડ્રગ્સનું ગોડાઉન ઝડપી પાડ્યું છે. જાણવા મળી રહ્યું છે કે આ ગોડાઉનમાંથી ડ્રગ્સ બનાવવાનું અંદાજીત 500 કિલો રો મટેરીયલ કબ્જે કરાયું છે. આ મામલે વધુમાં પ્રાપ્ત થતી વિગતો મુજબ ધોળકાના પુલેન ચોકડી વિસ્તારમાંથી ગુજરાત ATSની ટીમે આશરે 50 કરોડનું ડ્રગ્સ ઝડપી પાડ્યું છે. ધોળકાના પુલેન સર્કલ વિસ્તારમાં આવેલ દેવમ ઇન્ડસ્ટ્રીયલ પાર્કના ગોડાઉન નંબર 54માંથી આશરે 50 કરોડની માતબર રકમનું ડ્રગ્સ ઝડપાયું છે. આ મામલે આગળની વધુ કાયદેસરની કાર્યવાહી હાથ ધરવામાં આવી હોવાનું સામે આવ્યું છે.
આમારા કચ્છ કેર TV ન્યૂઝની એપ ડાઉનલોડ કરો :-
