ભચાઉના રામપરની વાડીમાં નવજાત શિશુને અરક્ષિત મૂકીને નાસી જનાર અજાણી મહિલા વિરુદ્ધ ફરિયાદ નોંધાઈ
copy image
ભચાઉના રામપરની વાડીમાં નવજાત શિશુને અરક્ષિત મૂકીને નાસી જનાર અજાણી મહિલા વિરુદ્ધ પોલીસ મથકે ફરિયાદ નોંધાવવામાં આવેલ છે. આ મામલે વધુમાં સૂત્રોમાંથી પ્રાપ્ત થતી વિગતો મુજબ ભચાઉ તાલુકાનાં રામપર ગામમાં રહેનાર ગામના સરપંચ દ્વારા આ બનાવ અંગે સામખિયાળી પોલીસ મથકે સંપર્ક કરી જાણ કરાઈ હતી. સરપંચની વાડીના પાણીના ધોરિયામાં લૂંગી વીંટાયેલા નવજાત શિશુને મૂકી અજાણી મહિલા નાસી ગઈ હતી. બાદમાં આ નવજાત બાળકને લાકડિયા સરકારી હોસ્પિટલમાં સારવાર અર્થે લઈ જવામાં આવેલ હતું. આ મામલે પોલીસ મથકે ફરિયાદ નોંધાવવામાં આવતા આગળની વધુ તપાસ હાથ ધરવામાં આવેલ છે.
