ભુજના નાડાપામાંથી ત્રણ પત્તા પ્રેમીઓ ઝડપાયા : એક ફરાર

ભુજના નાડાપામાંથી પોલીસે ત્રણ ખેલીઓને ઝડપી પાડ્યા છે જ્યારે એક નાસી જવામાં સફળ રહ્યો હતો. આ બનાવ અંગે વધુમાં સૂત્રોમાંથી પ્રાપ્ત થતી વિગતો મુજબ ગત રાત્રીના સમયે આ કાર્યવાહી હાથ ધરવામાં આવેલ હતી, જેમાં ગત રાત્રે આઠ વાગ્યાના અરસામાં નાડાપાની ગ્રામ પંચાયતના બોર નજીક આવેલી બાવળોની ઝાડીમાં  અમુક ઈશમો ગંજીપાના વડે રૂપિયાની હાર જીતનો જુગાર રમી રહ્યા હતા તે સમયે અચાનક આવેલ પધ્ધર પોલીસે અહીથી ત્રણ પત્તાપ્રેમીઓને ઝડપી પાડ્યા હતા. તેમજ અન્ય એક શખ્સ નાસી છૂટયો હતો. હાથ ધરવામાં આવેલ કાર્યવાહી દરમ્યાન પોલીસે અહીથી રોકડ રૂા. 24,700  સહિત કુલ રૂા. 1,14,700નો મુદ્દામાલ કબ્જે કરી તમામ પકડાયેલ શખ્સો વિરુદ્ધ જુગારધારાની કલમો હેઠળ ગુનો નોંધી આગળની વધુ કાયદેસરની કાર્યવાહી હાથ ધરી છે.