આદિપુરમાં રામબાગ હોસ્પિટલના સંકુલમાં વીડિયો બનાવી અપલોડ કરવામાં આવતા મહિલા સહિત બે લોકો વિરુદ્ધ નોંધાઈ ફરિયાદ

સૂત્રો જણાવી રહ્યા છે આદિપુરમાં રામબાગ હોસ્પિટલના સંકુલમાં વીડિયો બનાવી અપલોડ કરવામાં આવતા મહિલા સહિત બે લોકો સામે ફરિયાદ નોંધાવવામાં આવેલ છે. આ મામલે વધુમાં પ્રાપ્ત થતી વિગતો મુજબ આ બનાવ ગત તા. 4/3ના રામબાગ હોસ્પિટલના પરિસરમાં બન્યો હતો. અંજારમાં રહેનાર એક મહિલાએ પોતાના અવાજમાં વીડિયો બનાવી તે વીડિયોમાં દેશના વડાપ્રધાન તથા રાજ્યના મુખ્યમંત્રીના એમ્બ્યુલન્સ ઉપર લાગેલા ફોટા બતાવી માનવજાતિ વિશે ભાષાકીય શબ્દો જેમ-તેમ બોલી તેમની જવાબદારી સંબંધી કથન કરી લોકો વચ્ચે વિખવાદની લાગણી ઉત્પન્ન કરતો વીડિયો બનાવ્યો હતો અને તે વીડિયોની પુષ્ટિ કર્યા વગર ગુજરાત-ટીવી નામના ઇન્સ્ટાગ્રામ આઇડી પર પોસ્ટ કરવામાં આવેલ હોવાથી આ મામલે પોલીસ મથકે ફરિયાદ નોંધાવવામાં આવેલ હતી. જેના આધારે પોલીસે આગળની વધુ તપાસ આરંભી છે.