રાપરના ગામ નજીક બોલેરો ગાડીમાંથી રૂા. 70,968ના દારૂના જથ્થા સાથે બે શખ્સો ઝડપાયા

  રાપર ખાતે આવેલ સેલારી ગામ નજીકથી બોલેરો ગાડીમાંથી રૂા. 70,968ના દારૂના જથ્થા સાથે બે શખ્સોને દબોચી લીધા છે. આ મામલે સૂત્રોના જણાવ્યા અનુસાર રાપર તાલુકામાં આવેલ સેલારી ગામના પાટિયાંથી આગળ પાણીના અવાડા નજીક  બોલેરો પીકઅપ ગાડીને પોલીસે અટકાવી તેને તપાસ હાથ ધરવામાં આવેલ હતી. હાથ ધરવામાં આવેલ તપાસ દરમ્યાન આ વાહનમાં ગુપ્ત ખાનું હોવાનું સામે આવ્યું હતું જેમાં તપાસ કરતાં બિયરના ટીન મળી આવેલ હતા. આ કાર્યવાહી દરમ્યાન આ વાહનમાંથી  કુલ રૂા. 70,968નો દારૂ કબ્જે કરવામાં આવેલ હતો. પોલીસે તમામ મુદ્દામાલ કબ્જે કરી બે શખ્સોની અટક કરી આગળની વધુ કાયદેસરની કાર્યવાહી હાથ ધરી છે.