ત્રણ વર્ષ અગાઉ વીજાપુરમાંથી ચોરેલા સ્કુટર સાથે શખસને માણસા રિદ્રોલ રોડ ઉપરથી પકડી પાડ્યો હતો. તસ્કરીના સ્કુટર ઉપર નિકળેલા શંકુને પોલીસે પકડીને સ્કુટર સહિતના મુદ્દામાલને કબ્જે કરીને પોલીસે કાયદેસરની તપાસ હાથ ધરી છે. વાહન તસ્કરીના બનાવો દરેક જિલ્લાઓમાં બની રહ્યા છે. વાહન તસ્કરી કરતી ગેન્ગ દ્વારા ચોરેલા વાહનોને અન્ય જિલ્લાઓમાં વેચી દેવા કે અન્ય જિલ્લામાં ચોરેલા વાહન લઇને ફરતા હોય છે. આથી તસ્કરીના વાહનોને ભેદ વણઉકેલ્યા રહેતા હોય છે. ત્રણ વર્ષ અગાઉ મહેસાણા જિલ્લાના વિજાપુર શહેરમાંથી સ્કુટર તસ્કરીને શંકુ ગાંધીનગર જિલ્લામાં ફરતો હતો. ચોરેલું સ્કુટર લઇને શંકુ માણસા થી રિદ્રોલ રસ્તા ઉપર જતો હતો. તે દરમિયાન પટેલવાડીની બાજુમાં વાહન ચેકિંગ કરતી લોકલ ક્રાઇમ બ્રાન્ચના હાથે પકડાઈ ગયો હતો. લોકલ ક્રાઇમ બ્રાન્ચે સ્કુટર લઇને જતા શંકુને ઉભો રાખીને સ્કુટરના ડોક્યુમેન્ટ માંગતા યોગ્ય જવાબ આપી શક્યો ન હતો. આથી પોલીસે તેની સઘન પુછપરછ કરતા સ્કુટર તેણે ત્રણ વર્ષ અગાઉ વીજાપુરમાંથી તસ્કરી કર્યું હોવાનું પોલીસ તપાસમાં બહાર આવ્યું હતું. તસ્કરીના સ્કુટરની સાથે પકડાયેલો શંકુ જીતેન્દ્રસિંહ તખુજી વાઘેલા રહે.ખોરજ ડાભી મનહરનગર, તાલુકો કલોલ, જી.ગાંધીનગરનો હોવાનું પોલીસ તપાસમાં બહાર આવ્યું હતું.
