હિપ-હોપ આર્ટિસ્ટ ધનજી “ડ્રાઈવ – ઈન 2.1” સાથે અમદાવાદનું કલ્ચર ઈમ્પૅક્ટ શોકેઝ : ફેન્સ માટે ખાસ લિસનીંગ સેશન પણ યોજાયું

દેશી હિપ- હોપ ઓરિજિનલ વોઈસમાંથી એક પ્રખ્યાત ધનજી પોતાના નવા આલ્બમ “ડ્રાઈવ – ઈન 2.1” સાથે આવ્યા છે. 19 હિપ- હોપ સોન્ગ દર્શાવતા આ આલ્બમમાં 19 જેટલાં ગીતો હશે. અમદાવાદના ડ્રાઈવ- ઈન સિનેમાની ગલીઓમાં ફરેલા અને મોટા થયેલ ધનજીનું અમદાવાદ માટે ખાસ કનેક્શન છે. રાસ્લા દ્વારા પ્રોડ્યુસ કરાયેલ આ આલ્બમમાં અમદાવાદનું કલ્ચર ઈમ્પૅક્ટ શોકેઝ થાય છે.

અમદાવાદમાં ખાસ લિસનીંગ સેશન યોજાયું હતું. આ અગાઉ ધનજીના આલ્બમ “રુઆબ”ને લોકોએ વખાણ્યો હતો. ધનજીને બાળપણથી જ સંગીત પ્રત્યે ખૂબ પ્રેમ રહ્યો છે. ડ્રાઇવ-ઇન સિનેમા 2.1 આજના યુથ કલ્ચરને રિપ્રેઝેન્ટ કરે છે અને મ્યુઝિક દ્વારા ગુજરાતી ઓળખને વિસ્તૃત કરે છે.

ધનજી જણાવે છે કે, “આ આલ્બમમાં ઘણી ફ્રી- સ્ટાઈલ છે. ‘ડ્રાઇવ-ઇન સિનેમા 2.1’માં મ્યુઝિકની નવી જ દિશા જોવા મળશે. મારું ખાસ અમદાવાદ કનેક્શન આ સોંગ્સમાં જોવા મળશે. આજે અમદાવાદ એક નવી ઓળખ બનાવી રહ્યું છે અને આ બધું જ અમે અમારા આ આલ્બમમાં દર્શાવ્યું છે.”

રીપોર્ટ બાય : અશ્વિન લિંબાચીયા, અમદાવાદ.