મિરજાપરની યક્ષનગરીમાંથી ચાર મહિલા સહિત સાત ખેલીઓની ધરપકડ

ભુજ ખાતે આવેલ મિરજાપરની યક્ષનગરીમાં જાહેરમાં તીનપત્તીનો જુગાર રમતા ચાર મહિલા સહિત સાત પત્તાપ્રેમીઓને પોલીસે ઝડપી પાડ્યા છે. આ મામલે વર્તુળોમાંથી પ્રાપ્ત થતી વિગતો મુજબ ગત દિવસે સાંજના અરસામાં મિરજાપરના યક્ષનગરીમાં જાહેરમાં અમુક ઈશમો રૂપિયાની હારજીતનો જુગાર રમી રહી હતી. અચાનક ત્રાટકેલી પોલીસે અહીથી જુગાર રમતા ચાર મહિલા સહિત સાત શખ્સોને ઝડપી પાડ્યા હતા. પોલીસે પકડાયેલ ખેલીઓ પાસેથી રોકડ સહિતનો તમામ મુદ્દામાલ કબ્જે કરી તેમના વિરુદ્ધ જુગારધારાની કલમો હેઠળ ગુનો નોંધી આગળની વધુ તપાસ હાથ ધરી છે.