પડાણાના બુટલેગરની પાસા હેઠળ ધરપકડ કરી સુરતની મધ્યસ્થ જેલના હવાલે કરી દેવાયો

ગાંધીધામ ખાતે આવેલ પડાણાના બુટલેગરની પાસા હેઠળ અટક કરવામાં આવી હોવાના અહેવાલ સામે આવી રહ્યા છે. ત્યારે આ મામલે પ્રાપ્ત થતી વિગતો મુજબ ગાંધીધામના પડાણામાં હરિઓમ નગરમાં રહેનાર મહેન્દ્રસિંહ ઉર્ફે મનુભા વિઠુભા વાઘેલા નામના ઈશમ વિરુદ્ધ કેટલાક પોલીસ મથકે જુદા જુદા દારૂ સંબંધી ગુના નોંધાયેલા છે. પરીણામે આ ઈશમ વિરુદ્ધ પાસાની દરખાસ્ત તૈયાર કરી રજૂ કરવામાં આવતા તે મંજૂર થતા આ આરોપી શખ્સને દબોચી લઈ સુરતની બાજપોર મધ્યસ્થ જેલના હવાલે કરી દેવાયો છે.