નખત્રાણાના રવાપરમાં 24 વર્ષીય યુવાને ગળે ફાંસો ખાઈ કર્યો આપઘાત

નખત્રાણા ખાતે આવેલ રવાપરમાં 24 વર્ષીય યુવાને ગળે ફાંસો ખાઈ જીવનનું અંતિમ પગલું ભરી લીધું હતું. આ બનાવ અંગે વધુમાં પ્રાપ્ત થતી વિગતો મુજબ રવાપર ગામમાં રહેનાર આસિફ નામનો યુવાન પોતાના ઘરે હતો તે સમયે કોઈ અકળ કારણે ગળેફાંસો ખાઇ આપઘાત કરી લીધો હતો. બનાવ અંગે જાણ થતાં તેમને તાત્કાલિક સારવાર અર્થે હોસ્પિટલ લઈ જવામાં આવેલ હતો જ્યાં ફરજ પરના તબીબે તેને મૃત જાહેર કર્યો હતો. આ બનાવ અંગે પોલીસે નોંધ કરી યુવાને કયા કારણોસર આવું પગલું ભર્યું હશે તે સહિતની આગળની વધુ તપાસ આદરી છે.