ફટાકડા વેચાણના હંગામી લાયસન્સ માટે ગાંધીધામ મામલતદારશ્રીની કચેરીએ ૧ ઓક્ટોબર સુધીમાં અરજી કરવી

આગામી દિવાળીના પર્વ દરમિયાન ગાંધીધામ શહેરમાં અને શહેરની બહાર ખુલ્લા મેદાનમાં ફટાકડા વેચાણ માટે હંગામી લાયસન્સ આપવાના રહે છે. આ માટે જે નાગરિકો હંગામી લાયસન્સ મેળવવા માંગતા હોય તેઓએ મામલતદાર કચેરી ગાંધીધામથી નિયત અરજી ફોર્મ મેળવી, નિયત નમૂનાનું સોગંદનામું, સ્ક્રુટીની ફી અને લાયસન્સ ફીના ચલણ સાથે અરજી કરવાની રહેશે. આ અરજી મામલતદાર કચેરી ગાંધીધામ ખાતે તા.૦૧/૧૦/૨૦૨૫ સુધીમાં કચેરી સમય દરમિયાન જમા કરાવવાની રહેશે. સમયમર્યાદા બાદ આવેલી અરજીઓ ધ્યાને લેવામાં આવશે નહીં તેમ એક્ઝીક્યુટીવ મેજિસ્ટ્રેટ અને મામલતદારશ્રી ગાંધીધામ દ્વારા જણાવાયું છે.