માતાનામઢથી કોટડા રોડ ઉપર વાહનોની અવર જવર પ્રતિબંધની મર્યાદા વધારાઈ
માતાનામઢથી કોટડા રોડનાં ચે.૦/૬૦૦ થી ૩/૬૦૦ સુધીનો રસ્તો સામાન્ય વાહન વ્યવહાર માટે બંધ કરવા તથા વૈકલ્પિક રસ્તાનો ઉપયોગ કરવા કચ્છ જિલ્લા મેજિસ્ટ્રેટશ્રી આનંદ પટેલ દ્વારા જાહેરનામું બહાર પાડવામાં આવ્યું છે.
જિલ્લા મેજિસ્ટ્રેટશ્રી આનંદ પટેલ કચ્છ-ભુજ દ્વારા ગુજરાત પોલીસ અધિનિયમ ૧૯૫૧ની કલમ ૩૩(૧) (બી) અન્વયે ફરમાવેલ છે કે, તા.૩૧/૧૨/૨૦૨૬ સુધીના સમયગાળા માટે માતાના મઢથી કોટડા રોડના ચે.૦/૬૦૦ થી ૩/૬૦૦ સુધીના રસ્તા પરથી વાહનો અવર-જવર કરી શક્શે નહીં. જ્યારે વૈકલ્પિક માર્ગ/રસ્તા તરીકે ચે.૦/૬૦૦ થી ડાબી તરફ પાકો ડામર રસ્તો કોટડા ગામ તરફ ચે.૩/૬૦૦ પર હયાત રસ્તાને મળે છે. જે રસ્તા પરથી વાહનો અવર-જવર કરી શકશે.
આ જાહેરનામું સરકારી વાહનો/સરકારી કામે રોકવામાં આવેલ વાહનો, પોલીસ અધિક્ષકશ્રી, પશ્ચિમ કચ્છ-ભુજ/સબ ડિવિઝનલ મેજિસ્ટ્રેટશ્રી, નખત્રાણાના આદેશાનુસાર સક્ષમ અધિકારીશ્રી દ્વારા અધિકૃત કરેલ વાહનોને લાગુ પડશે નહીં.
