શહેરના ગળપાદર હાઈવે ઉપર મચ્છુનગર પાસેના ઓવરબ્રિજ નીચેથી સ્થાનિક પોલીસે બાતમીના આધારે છાપો મારી એક શખ્સને ર૪,૨૦૦ની કિંમતના ૪ કિલો રપ ગ્રામ ગાંજા સાથે ઝડપી પાડ્યો હતો. જયારે અન્ય એક નાસી છુટ્યો હતો.પોલીસ સુત્રોના જણાવ્યા અનુસાર રેન્જ આઈજીપી ડી.બી. વાઘેલા તથા પૂર્વ કચ્છ એસપી પરિક્ષેતા રાઠોડ અને અંજાર વિભાગના નાયબ પોલીસ અધિક્ષક ડી.એસ. વાઘેલાના માર્ગદર્શન હેઠળ ગાંધીધામ બી ડિવિઝન પીઆઈ જે.પી. જાડેજા, સ્ટાફ સાથે દારૂ, જુગાર જેવી અસામાજિક બદીઓને નેસ્ત નાબુદ કરવા પેટ્રોલિંગમાં હતા. દરમ્યાન મળેલી પૂર્વ બાતમીના આધારે ગત રાત્રીના ૮:૪૦ કલાકે ગળપાદર મચ્છુનગર ઓવરબ્રિજ નીચે પંચો સાથે છાપો મારી ગુલામહુશેન લતીફશા સૈયદ (ઉ.વ. ૩૮) (રહે કબરા કોલોની, ખારીરોહર, તા.ગાંધીધામ)ને ઝડપી પાડ્યો હતો, તેના કબજામાંથી ૪ કિલો રપ ગ્રામ ગાંજો મળી આવતા ર૪,૨૦૦ની કિંમત આંકી કબજે કર્યો હતો. આરોપી પાસેથી ૫૦૦૦ની કિંમતનો મોબાઈલ ફોન તથા ૧૧૦૦ રૂપિયા રોકડ મળી ૩૦,૩૦૦નો મુદ્યમાલ હસ્તગત કરવામાં આવેલી રેઈડ દરમ્યાન આરોપી બાપુમીયા કાસમશા સૈયદ નાસી જતા બંને આરોપીઓ સામે એડીપીએસનો ગુનો નોંધી પીએસઆઈ એમ.બી. ઝાલાએ તપાસ હાથ ધરી હતી.
