કાલથી સમગ્ર સૌરાષ્ટ્ર ધમધમતુ થઇ જશેઃ ચા-પાન-બીડી-હેર કટીંગ સલુન-ફરસાણ વગેરેની દુકાનો ખુલશે

રીક્ષા અને બસો શરૂ થશેઃ બજારોમાં નિયમ લાગુ પડશેઃ એક દિવસ અડધી દુકાનો તો બીજા દિવસે બીજી અડધી દુકાનો ખુલે તેવી વ્યવસ્થા રહેશે: આજથી દેશવ્યાપી લોકડાઉન ૪.૦નો અમલ શરૃઃ રાજ્યના મુખ્ય સચિવ દ્વારા તમામ જિલ્લાઓના વહીવટી તંત્ર સાથે વિડીયો કોન્ફરન્સમાં થતી સમીક્ષાઃ જે બાદ છૂટછાટોની યાદી જાહેર થશેઃ પાન-માવાની દુકાનો, અકિલા ચા-ફરસાણની દુકાનો, હેર કટીંગ સલુન, રેસ્ટોરન્ટની હોમ ડીલીવરી, ઓફિસો અને દુકાનો વગેરે ખોલવા મંજુરી અપાશેઃ પ્રતિબંધો માત્ર કન્ટેનમેન્ટ ઝોન અને બફર ઝોનમાં જ રહેશેઃ શાળા-કોલેજો, મોલ, જીમ, ધાર્મિક અકીલા મેળાવડા, મંદિરો, જાહેર સમારંભ હજુ બંધ જ રહેશેઃ સાંજે ૭ થી સવારે ૭ સુધીનો કર્ફયુ પણ રહેશેઃ સાંજે ૫ ની આસપાસ દુકાનો બંધ કરવી પડશે

આવતીકાલથી સમગ્ર સૌરાષ્ટ્રના અર્થતંત્રની ગાડી પાટે ચડી જશે તેવું જાણવા મળે છે. લોકો તથા વેપારી આલમ જેની રાહ જોઇ રહ્યા છે તે બધી બાબતો આવતીકાલથી ‘અનલોક’ થઇ જશે. એટલે કે બજારો ફરીથી ખુલી જશે. આવતીકાલથી હેર કટીંગ સલુન, ફરસાણ, ચા-પાનના ગલ્લા સહિતની દુકાનો સંપૂર્ણપણે કનિદૈ લાકિઅ ખુલી જશે. જો કે, નિયમોનું પાલન કરવાનું રહેશે એટલે કે ભીડભાડ ન થાય તેની કાળજી રાખવાની રહેશે. બજાર માટે એવું નક્કી થયુ હોવાનું જાણવા મળે છે કે ત્યાં ઓડ-ઇવનનો નિયમ લાગુ પડશે. એટલે કે એક દિવસે અમુક દુકાનો ખુલે તો અકીલા બીજા દિવસે બીજી દુકાનો ખુલે. સરકાર આ બધી વ્યવસ્થાને અંતિમ કનિદૈ લાકિઅ ઓપ આપી રહી છે અને સાંજ સુધીમાં તેની સત્તાવાર જાહેરાત થશે. મુખ્યમંત્રી વિજયભાઇ રૂપાણીએ સતત એવો આગ્રહ રાખ્યો છે કે ગુજરાત-સૌરાષ્ટ્રનું અર્થતંત્ર ફરી દોડતુ થાય અને સૌને રોજીરોટી ફરી મળવી શરૂ થાય. આવતીકાલથી બસ અને બસ અને રીક્ષા પણ ચાલુ થાય તેવા પાકા નિર્દેશો મળી રહ્યા છે. ગુજરાત-સૌરાષ્ટ્ર કાલથી અનલોક થશે પરંતુ અનેક પ્રકારના નિયમોનું પાલન કરવું પડશે. આ પહેલાના અહેવાલો મુજબ ગઈકાલે કેન્દ્ર સરકારે લોકડાઉન ૪.૦ કનિદૈ લાકિઅ તા. ૩૧મી મે સુધી લંબાવી દીધુ છે, પરંતુ છૂટછાટો આપવાનો અધિકાર જે તે રાજ્ય સરકારો ઉપર નિર્ધારીત કર્યો હોવાને પગલે જે તે રાજ્ય સરકારો પણ છૂટછાટો આપવા અંગેની માર્ગદર્શિકાઓ ઘડી રહી છે. ગુજરાતમાં પણ ગઈકાલે મુખ્યમંત્રી વિજયભાઈ રૂપાણીએ કરેલી જાહેરાત અનુસાર આજે સવારે મુખ્ય સચિવ દ્વારા તમામ જિલ્લાઓના વહીવટી તંત્ર સાથે વિડીયો કોન્ફરન્સીંગનો પ્રારંભ થયો છે જેમા જે તે જિલ્લાની વિગતવાર સમીક્ષા કરવામાં આવી રહી છે અને આ પછી સાંજ સુધીમાં છૂટછાટો અંગેની યાદી બહાર પાડવામાં આવે તેવી શકયતા છે. જો કે ગુજરાતે કેન્દ્રની માર્ગદર્શિકાઓનો ચૂસ્તપણે પાલન કરવાનું નક્કી કર્યુ હોવાથી સાંજે ૭ થી સવારના ૭ સુધી ગુજરાતમાં કર્ફયુ ચાલુ રહેશે. જે પણ છૂટછાટ અપાશે તે ૭ પહેલા અમલી બનશે. જો બજારો, દુકાનો વગેરે ખોલવાની મંજુરી અપાશે તો તે સાંજ સુધીની જ રહેશે. મળતા સમાચાર મુજબ કોરોના સંકટને પહોંચી વળવા કેન્દ્રની મોદી સરકારે લોકડાઉન ૪.૦ બે સપ્તાહ લંબાવ્યુ છે. તેમણે છૂટછાટોમાં રમતગમત સંકુલ, સલુન શોપ અને બસોની પણ વાત જણાવી છે. કેન્દ્રએ શાળા, કોલેજો, જીમ, ધાર્મિક સ્થળો, સિમેના, મોલ્સ વગેરે બંધ રાખવાની જાહેરાત કરી છે. ગુજરાતમાં પણ આ બધુ બંધ રહેશે. મંદિરો પણ ૩૧મી સુધી બંધ રહેવાના છે. જો કે કેન્દ્રએ આપેલી સત્તા અનુસાર ગુજરાત સરકારે આર્થિક પ્રવૃતિ પુનઃ શરૂ કરવા તૈયારી શરૂ કરી દીધી છે. આજે સવારે ૧૧ વાગ્યાથી મુખ્ય સચિવે તમામ જિલ્લાઓના કલેકટરો, મ્યુનિસિપલ કમિશ્નરો સાથે વિડીયો થકી બેઠક કરી સ્થિતિનો તાગ મેળવ્યો છે અને આ બેઠકને આધારે સાંજ સુધીમાં છૂટછાટોની યાદી જાહેર કરવામાં આવશે. સૂત્રોના જણાવ્યા પ્રમાણે ગુજરાતમાં વેપાર-ધંધા પુનઃ શરૂ થાય તે માટે સરકારે મન બનાવ્યુ હોવાથી મોટાભાગની દુકાનો આવતીકાલથી ખુલી જશે એટલુ જ નહિ જેની લોકો આતુરતાથી રાહ જોઈ રહ્યા છે તે ચા-પાનના ગલ્લાઓને પણ આવતીકાલથી ખોલવાની મંજુરી સરકાર આપી દે તેવી શકયતા છે. જો કે આ બધી છુટ કન્ટેનમેન્ટ ઝોન અને બફર ઝોનમાં અમલી નહિ બને. આવતીકાલથી હોટલો ફુડની હોમ ડીલીવરી પણ કરી શકશે. મિઠાઈ અને ફરસાણની દુકાનો પણ આવતીકાલથી ખુલી જાય તેવી શકયતા છે. બસો પણ નિયમોને આધીન શરૂ થાય તેવી શકયતા છે. ગુજરાતમાં આવતીકાલથી જ જાહેરમાં થુંકવા પર ૨૦૦ રૂ.નો દંડ અમલી બનશે. સરકાર દ્વારા સાંજ સુધીમાં આ અંગેની જાહેરાત કરી દેવામાં આવશે. જો કે લોકોએ અનેક પ્રકારના નિયમોનું પાલન કરવુ પડશે. ભીડભાડ ન થાય તે રીતે દુકાનો અને ઓફિસો ખોલવાની રહેશે. સાંજે ૭ થી સવારે ૭ સુધી કર્ફયુનુ પાલન કરવુ પડશે. એવુ જાણવા મળે છે કે દુકાનો ખોલવાની મંજુરી અમુક કલાકો પુરતી જ રહેશે. અત્રે નોંધનીય છે કે ગુજરાતમાં આર્થિક પ્રવૃતિ શરૂ થાય અને લોકોને રોજીરોટી પુનઃ મળવી શરૂ થાય તે માટે મુખ્યમંત્રીએ પણ કેન્દ્રમાં રજૂઆત કરી હતી. તેને પગલે હવે ગુજરાત પણ છુટછાટો આપવા તરફ જઈ રહ્યુ છે. સાંજે કઈ જાહેરાત થાય છે તેના પર સૌની મીટ છે