ગાંધીધામના ધોરી માર્ગ ઉપર વાહન તળે યુવાનનું મોત
શહેરની સીમાએ ધોરી માર્ગ ઉપર હીટ એન્ડ રનના બનાવમાં રાહદારી યુવાન સુલતાન અલી ઈરફાન અલી પારામનીક (ઉ.વ.22) નું મોત થયું હતું. પોલીસના સત્તાવાર સાધનો પાસેથી મળતી માહિતી મુજબ માર્ગ અકસ્માતનો આ બનાવ મચ્છુનગર નજીક મોડી રાત્રીના અરસામાં બન્યો હતો. હતભાગી યુવાન રસ્તાની સામે તરફ જતો હતો. આ અરસામાં અજાણ્યા વાહનના ચાલકે પૂરઝડપે વાહન ચલાવી યુવાનને હડફેટે લઈ લીધો હતો. યુવાનને માથા સહિતના ભાગમાં ગંભીર ઈજાઓ થઈ હતી. સારવાર દરમ્યાન તેણે દમ તોડી દીધો હતો. અકસ્માત સર્જી વાહનચાલક વાહન લઈ નાસી ગયો હતો. પોલીસે વધુ તપાસ હાથ ધરી છે.
-મળતી માહિતી
