મુંબઈથી ફોચ્ર્યુનર કારમાં 39 લાખનું કોકેઇન રાંદેરમાં આપવા આવેલ શખ્સ ઝડપાયા

મુંબઈથી ફોચ્ર્યુનર કારમાં કોકેઇન ડ્રગ્સ લઈ રાંદેરમાં ઈસ્માઈલ ગુર્જરને ડીલીવરી કરવા આવેલા મુંબઈના દંપતીને સુરત SOGની ટીમે સુરત-કડોદરા નિયોલ ચેક પોસ્ટ પાસેથી પકડી પાડયા. પોલીસે ચેકિંગ કરી મહિલાના પર્સ અને પતિના પેન્ટના ખિસ્સામાંથી 39 ગ્રામ 100 મિ.લી કોકેઇન ડ્રગ્સ મળી આવ્યું.

આરોપી ઇબ્રાહીમ હુસૈન ઓડીયા ઉ.વ.51 અને તેના પત્ની તન્વીર ઇબ્રાહીમ ઓડીયા ઉ.વ.47 બન્ને રહે, બિસ્મીલ્લા હાઇટ્સ, તૈલી મહોલ્લો, મુંબઈ, મૂળ રહે, જામનગર પાસેથી 5 મોબાઇલ, 2.12 લાખની રોકડ અને 10 લાખની ફોચ્ર્યુનર ગાડી મળી 51.68 લાખની મતા કબ્જે કરાઈ. પોલીસને શંકા ન જાય તે માટે ફોચ્ર્યુનર કારમાં આવતા હતા.

અગાઉ ઈસ્માઇલના ઘરે 2 થી 3 વખત એમડી ડ્રગ્સ અને કોકેઈનની ડિલિવરી થઈ છે. ઈબ્રાહીમને કોકેઇન મુંબઈમાં નાઝજીરીયન ડેન્હીલએ આપ્યું હતું. ડેન્હીલ આફ્રિકન દેશોમાંથી ચોરી છુપીથી લાવી મુંબઈમાં મોટા પેડલરોને સપ્લાય કરતા હતા. ઈસ્માઈલ હાલમાં વોન્ટેડ છે. તેની સામે સુરતમાં હત્યાની કોશિશનો ગુનો પણ નોંધાયેલો છે.

મુંબઈના ઇબ્રાહીમ ઓડીયાને એમડી-કોકેઈનની લત લાગી હતી. જો કે, સારા રૂપિયા મળતા વેચાણ પણ શારૂ થયું. કોકેઇનનો નશો મોટેભાગે મોટા ઘરના નબીરાઓ જ કરતા હોવાથી મોં માગી કિમત મળે. આ ડ્રગ્સને ગુટખામાં, ઇન્જેક્શન અને નાકથી સ્નોટ કરી લેતા હોય છે. ઈસ્મા‌ઇલ ઉપરાંત અન્ય સુરતના 3 પેડલરોને તે સપ્લાય કરતો હોવાની આશંકા છે. એસઓજીને 1 કિલો કોકેઈનની બાતમી મળી હતી. જો કે રસ્તામાં કોઈને સપ્લાય કરાયાની આશંકા છે. પોલીસ કોલ ડિટેઇલ્સને આધારે તપાસ કરશે. આગળની કાર્યવાહી હાથ ધરવામાં આવી