કડીના ડરણ ચોકડી નજીક રોડ ક્રોસ કરી રહેલા આધેડને આઇસર ચાલકે અડફેટે લેતા આધેડનું મોત
કડી તાલુકાના ડરણ ચોકડી નજીક રોડ ક્રોસ કરી રહેલા આધેડનું અકસ્માતમાં મૃત્યુ થયું હતું. ખાવડ તરફથી આવી રહેલ એક આઇસર ચાલકે ઠોકર મારતા આધેડનું મૃત્યુ થયું હતું.
દેત્રોજ તાલુકાના બોસકા ગામના વતની નટુજી ઠાકોર જેઓ ખેત મજૂરી કરીને પોતાનું તેમજ પોતાના પરિવારનું ગુજરાન ચલાવી રહ્યા છે. કડી તાલુકાના ડરણ ગામમાં કામ અર્થે આવ્યા હતા. જે દરમિયાન ચોકડી નજીક આવેલી ચામુંડા હોટલ પાસે રોડ ક્રોસ કરીને ગલ્લા પર જતા હતા. તે દરમિયાન ખાવડ બાજુથી આવી રહેલી એક આઇસર ચાલકે પુરપાતે આધેડને ટક્કર મારતા રોડ ઉપર પટકાયા હતા. અકસ્માત સર્જાતા આજુબાજુના લોકો ઘટના સ્થળે દોડી આવ્યા હતા. જ્યાં આધેડ આઇસરના પાછલા ટાયરમાં આવી જતા તેઓનું ઘટના સ્થળે જ મોત નીપજયું હતું. બનાવની જાણ કડી તાલુકાના બાવલું પોલીસ સ્ટેશનમાં કરવામાં આવતા ઘટના સ્થળે પોલીસ દોડી આવી હતી અને મૃતક આધડને કડીની કુંડાળ સિવિલ હોસ્પિટલમાં પીએમ અર્થે ખસેડાયા હતા. જ્યાં આધેડના પુત્રએ આઇસર ચાલક સામે ગુનો દાખલ કરાવતા પોલીસે કાર્યવાહી હાથ ધરી હતી.
