CBIની ટીમે છટકું ગોઠવી ગાંધીધામથીCGSTના સુપરિન્ટેન્ડન્ટને રૂ. 1 લાખની લાંચ સ્વીકારતા ઝડપ્યા

CBIની ટીમે CGSTના સુપરિન્ટેન્ડન્ટ એન.એસ મહેશ્વરીને રૂ. 1 લાખની લાંચ લેતા ગાંધીધામથી પકડી પાડ્યા હતા. સેન્ટ્રલ બ્યુરો ઑફ ઇન્વેસ્ટિગેશની ટીમે CGST સુપરિન્ટેન્ડન્ટ એન.એસ. મહેશ્વરીને રૂ. 1 લાખની લાંચ માંગવા અને સ્વીકારવા બદલ અટકાયત કરવામાં આવી છે. ફરિયાદી પાસેથી એક લાખની લાંચ લેવા બદલ CGST (ઓડિટ), ઓડિટ સર્કલ-VI, ગાંધીધામ સામે ફરિયાદી પાસેથી રૂ. 2.40 લાખ (રૂ. 100/- કન્ટેનરની માંગણી)ના અનુચિત લાભની માગણીના આરોપો પર કેસ દાખલ કરવામાં  આવ્યો હતો, જે દરમિયાન તેણે  પૂર્વે કંડલા પોર્ટ મધ્યે કસ્ટમના સુપ્રિટેન્ડેન્ટ પદે રહી ક્લિયર કરેલા કન્ટેનર માટે ફરિયાદી પાસેથી લાંચ સ્વીકારી હતી.

આરોપી સામે વધુમાં એવો પણ આક્ષેપ કરાયો હતો કે, આરોપીએ ફરિયાદીને ઉક્ત લાંચ ચૂકવવાનું કહ્યું હતું. જેથી કરીને તેને ઓડિટમાંથી બચાવી શકાય, જો તેણે અયોગ્ય લાભ ચૂકવવામાં નહીં આવે તો તે કરાવવાની ધમકી આપી હતી. આ દરમિયાન CBIએ છટકું ગોઠવીને આરોપીને ફરિયાદી પાસેથી રૂ. 1 લાખની લાંચની માંગણી અને સ્વીકારતા રંગે હાથ ઝડપી પાડ્યા હતા. આરોપીની ઓફિસ તથા રહેણાંક જગ્યા પર ગત રાત્રે જ સર્ચ કરાયું હતું જેના કારણે તેના રહેણાંક જગ્યામાંથી અંદાજે રૂ.6.50 લાખ અને ગુનાહિત દસ્તાવેજો મળી આવ્યાં હતા. અટકાયત કરાયેલા આરોપીને આજે ગાંધીધામ જ્યુરીડિક્શનલ કોર્ટમાં રજૂ કરાયો છે. ગંભીર પ્રકારના ગુના પર કેન્દ્રીય તપાસ એજન્સી સીબીઆઈના દારોડાથી સમગ્ર કચ્છમાં ચકચાર પ્રસરી જવા પામી છે.