સિદ્ધપુરના કલાણા ગામમાં આવેલી દુકાનમાંથી ચોરે ચાંદીના દાગીનાની મતાની કરી તસ્કરી

સિદ્ધપુર તાલુકાનાં કલાણા ગામમાં આવેલી એક દુકાનમાંથી કોઈ અજાણ્યો ઈસમ ચાંદીનાં દાગીના અને ચાંદીની મુર્તિઓ મળી કુલે રૂ 26000ની મતાની ચોરી હતી. મળતી વિગતો અનુસાર પાટણ શહેરનાં રાણીની વાવ જવાનાં માર્ગે આવેલી સૃષ્ટીવિલા સોસાયટીમાં રહેતા અને સિધ્ધપુરનાં કલાણા ગામમાં દુકાન ધરાવતા કુણાલભાઈ હર્ષદભાઈ રામી છેલ્લા ત્રણેક વર્ષથી સિદ્ધપુરનાં કલાણા ગામમાં ભાડેથી દુકાન રાખીને અહી પાટણથી ચાંદીનાં તૈયાર દાગીના લાવી વેચવાનો વેપાર કરે છે. તેમની દુકાનમાંથી કોઈ ઈસમ દુકાનનાં પાછલા ભાગમાં આવેલા લાકડાનાં દરવાજાને તોડીને દુકાનમાં ઘૂસયો અને અંદર દુકાનનાં ટેબલનાં ખાનામાં મુકેલા ચાંદીનાં દાગીના જેવા કે મંગળસૂત્ર, વિંટીઓ અને અન્ય દાગીનાઓ તેમજ ચાંદીની મૂર્તિ મળી કુલ નંગ-110ની કિંમત રૂ. 26000ની મતાની ચોરી કરી હતી. આ અંગેતેમને કોઈએ ફોન કરતાં તેઓ દુકાને દોડી ગયા અને અત્યાર સુધી પોતાની રીતે તપાસ કરી રહ્યા હતા. પરંતુ તેમને આ ચોરી અંગે કોઈ જાણકારી ન સાપડતા તેમણે ફરીયાદ દાખલ કરાવી હતી.