અમરેલીના દુધાળામાંથી એલસીબીએ ઇંગ્લીશ દારૂનો જથ્થો ઝડપી પાડ્યો

અમરેલીમાં એલસીબી પોલીસે લાઠીના દુધાળા તથા શાખપુરમાથી ઇંગ્લીશ દારૂનો જથ્થો પકડી પાડી કુલ રૂપિયા 3.56 લાખનો મુદામાલ જપ્ત કર્યો હતો. જિલ્લા પોલીસવડા હિમકર સિંઘની સુચનાથી એલસીબીના પીઆઇ એ.એમ.પટેલ અને ટીમે પેટ્રોલીંગ દરમિયાન લાઠીના બાઇ દુધાળા પાસે બસ સ્ટેન્ડ નજીકથી પસાર થતી એક કારને રોકી તલાશી લેતા તેમાથી ઇંગ્લીશ દારૂની 76 બોટલ કિમત રૂપિયા 28500 મળી આવી હતી. પોલીસે કિશન સુરેશભાઇ દવે નામના ઈસમની અટકાયત કરી કુલ રૂપિયા 3,28,500નો મુદામાલ જપ્ત કર્યો હતો.