ગાંધીધામમાં ટ્રેલર ચાલકે રાહદારી યુવકને અડફેટે લેતા યુવકનું ઘટના સ્થળે મોત

ગાંધીધામ બી-ડિવિઝન પોલીસે મથકે ફરિયાદ નોંધાવતાં વશરામભાઈ સોમાભાઈ કાનાણીએ ફરિયાદમા જણાવ્યુ હતું કે, તેમના મોટા ભાઈ મનોજ સોમાભાઈ કાનાણી સવારના સાતેક વાગ્યના અરશામાં ટાટા શોરૂમની સામે ભગવતી કાંટા પાસે રોડ ક્રોસ કરવા જઈ રહ્યા હતા તે દરમિયાન કંડલાથી ગાંધીધામ તરફ જતાં હાઇવે રોડ ઉપર GJ-12-BY-2461ના ટ્રેલર ચાલકે પોતાના કબ્જાનું ટ્રેલર પૂર ઝડપે ચલાવી તેમના ભાઈ મનોજ ભાઈને અડફેટે લેતા આ અકસ્માત સર્જાયો હતો. અકસ્માતમાં મનોજભાઈને શરીરે ગંભીર ઇજાઓ પહોચતા તેમનું ઘટના સ્થળે જ કમકમાટી ભર્યું મોત નીપજયું હતું. ત્યારબાદ મનોજ ભાઈની લાશને આદિપુર રામબાગ સરકારી હોસ્પિટલમા પીએમ અર્થે લઈ જ્વામા આવી હતી. પોલીસે ટ્રેલર ચાલક વિરુદ્ધ ફરિયાદ નોંધી આગળની તપાસ હાથ ધરી છે.