ભચાઉના લાકડિયામાં બંધ મકાનમાથી 12,800ની ઘરવખરી ચોરાઇ
લાકડિયા પોલીસ મથકે ચોરી અંગે ફરિયાદ નોંધાવતાં રામજીભાઇ પુંજાભાઈ ઓસવાળે ફરિયાદમાં જણાવ્યુ હતું કે, તેઓ તેમની પતિની તબિયત સારી ન હોવાથી નાસિક સબંધીના ઘરે હોઈ 20-8ના રોજ નાસિક ગયા હતા. 28-11ના પરત ઘરે આવતા જાળીવાળા ભાગમાં મારેલું તાળું જોવા મળ્યું ન હતું. ગેલેરીમાં રાખેલ 2 ગેસના બાટલા, ચૂલો, તાંબાના બે હાંડા, બે કળશીયા, વજન કાંટો, લોખંડના ખાંડણી દસ્તો પાણીની મોટર જેવી 12,800ની ઘરવખરીની ચોરી થઈ હોવાનું જણાઈ આવ્યું હતું. તેમજ ઘરનો સામાન વેર વિખેર જોવા મળ્યો હતો. આ અંગે તેમણે પોલીસ મથકે લેખિતમાં જાણ કરી હતી જેથી પોલીસે રૂબરૂ તેમના ઘરે જઈ ફરિયાદ નોંધી હતી. પોલીસે આ અંગે આગળની તપાસ હાથ ધરી છે.
