ભુજના એન.ડી.પી.એસ.ના કેસમાં ફરાર આરોપી ઝડપી પડાયો
copy image
ભુજ શહેરના એનડીપીએસના ગુનાના આરોપીને પૂર્વ કચ્છ એસઓજીએ ઝડપી પાડયો હતો. ગાંધીધામના કાર્ગો અને પીએસએલ ઝૂંપડા વિસ્તારમાં રહેનાર મનોજ ઉર્ફે રાજ ભાગવત શર્મા નામના શખ્સ સામે ભુજ એ ડિવિઝન પોલીસ મથકે એનડીપીએસની કલમો તળે ગુનો નોંધાયો હતો. ભુજમાં ગેરકાયદેસર રીતે માદક પદાર્થ ગાંજાનું વેચાણ કરતા આરોપીને પોલીસે ઝડપી પાડતાં આ માલ તેઓ મનોજ પાસેથી લઈ આવ્યા હોવાનો ખૂલાસો થયેલ હતો જેથી તેની વિરુદ્ધ પણ ગુનો નોંધાયો હતો ત્યારથી આ શખ્સ પોલીસથી નાસતો ફરતો હતો. દરમ્યાન આજે પૂર્વ કચ્છ એસઓજીએ આ શખ્સને પકડી પાડી ભુજ પોલીસના હવાલે કર્યો હતો. આ શખ્સ સામે અગાઉ ગાંધીધામ બી-ડિવિઝનમાં દારૂ સંબંધી 8, જાહેરનામાનું એક, આદિપુરમાં બાઇક ચોરી, અંજારમાં મારામારીનો ગુનો નોંધાયેલો હોવાનું પોલીસે વિગતો અનુસાર સામે આવ્યું છે.
