ભુજોડી રેલવે ઓવરબ્રિજમાં સ્ટ્રકચરલ જોઇન્ટ બીજી વખત તૂટ્યા અને તીરાડો પડી, એંજીનિયર કહે છે તાપમાન કારણભૂત!
ભુજોડી મઘ્યે ત્રણ મહિના પહેલાં જ ૧.૫ કિ.મી લંબાઇના ચારમાર્ગીય રેલવે ઓવરબ્રિજ રાજ્યમાં અદ્યતન ટેકનોલોજીયુક્ત પેરામેશ વોલથી બનેલો સૌથી લાંબો અને ઊંચો રેલવે ઓવરબ્રિજ લોકાર્પીત કરાયો.ત્રણ મહિનામાં બે વખત સ્ટ્રકચરલ જોઇન્ટ તૂટતાં લોકોમાં રોષ જોવા મળી રહ્યો છે. જો કે બ્રિજ સુરક્ષિત હોવાનો નિગમ દ્વારા દાવો કરાયો છે. શુક્રવારે સમારકામ કરાયું હતું. દાયકા બાદ બનેલા બ્રિજના લોકાપર્ણથી જિલ્લાના ૭ લાખથી વધુ લોકોને લાભ થશે તેવું સરકારે કહ્યું હતું,પરંતુ હાલ દરરોજ લોકો ફરી મુશ્કેલીનો સામનો કરી રહ્યા છે.
