ખંભાળિયા-જામનગર ધોરીમાર્ગ પર ટ્રકમાં અચાનક આગ ભભૂકી ઉઠી, ખાનગી કંપનીના ફાયર ફાઈટરોએ આગને કાબૂએ લીધી

ખંભાળિયા-જામનગર ધોરીમાર્ગ પર આજરોજ સવારે એક ટ્રકમાં આગ લાગ્યાનો લાગી હતી. આ આગને ફાયર ફાઈટર સ્ટાફે કાબુમાં કરી હતી. ઘટનાના કારણે વાહનવ્યવહાર પ્રભાવિત થયો હતો, પરંતુ નુકસાની અંગેની કોઈ માહિતી હાલ મળી નથી થઈ.

મળતી માહિતી અનુસાર ખંભાળિયા-જામનગર ધોરીમાર્ગ પર આશરે 15 કિલોમીટર દૂર કજૂરડા ગામ નજીક સ્થિત એક ખાનગી કંપનીની નજીકના હાઇ-વે માર્ગ પર માલસામાન ભરેલા એક ટ્રકમાં આગ લાગી હતી. કોઈ અકળ કારણોસર લાગેલી આ આગને ખાનગી કંપનીના ફાયર ફાઈટર સ્ટાફે કાબુમાં કરી હતી. આ ઘટનાથી થોડો સમય વાહનવ્યવહાર પ્રભાવિત થયો હતો.