ગોંડલમાં LCB પોલીસે દારૂની 21 બોટલ સાથે એક ઇસમને ઝડપી પાડ્યો

ગોંડલ સ્ટેશન પ્લોટ રહેણાક મકાનમાં એક ઈસમ પાસે વિદેશી દારૂ હોવાની બાતમી મળી હતી. આ આધારે LCB પોલીસે રેડ પાડી એક ઈસમને દારૂની 21 બોટલ સાથે પકડી પાડી આગળની કાર્યવાહી હાથ ધરવામાં આવી હતી.
મળતી માહિતી અનુસાર સ્ટેશન પ્લોટ, જાગૃતી સ્કુલની સામેની ગલીમાં સુખપાલ ઉર્ફે સંજુ રવિદત્ત શર્માના રહેણાંક મકાનમાં LCB પોલીસે રેડ પાડી વિદેશી દારૂની બોટલની નંગ- 21 કિ.રૂ. 12 હજારથી વધુનો જથ્થો જપ્ત કરી કાર્યવાહી હાથ ધરવામાં આવી હતી. આ દરોડામાં LCB, રાજકોટ ગ્રામ્ય પોલીસ PI વી.વી.ઓડેદરા, PSI એચ.સી. ગોહિલ, ડી.જી.બડવા, ASI મહેશભાઇ જાની, હેડ કોન્સ્ટેબલ નરેન્દ્રસિંહ રાણા, જયેન્દ્રસિંહ વાઘેલા, મહિપાલસિંહ જાડેજા, અનીલ ગુજરાતી, રૂપક બોહરા, પ્રહલાદસિંહ રાઠોડ, ઘનશ્યામસિંહ જાડેજા, અમુ વિરડા તથા રજાક બીલખીયા સહિતનાઓ જોડાયા હતાં.