Crime

ચેક પરતના કેસમાં સજા- વળતરનો આદેશ રદ કરવામાં આવ્યો

2 years ago Kutch Care News

copy image સબંધના નાતે કરાયેલી નાણાકીય સહાયના બદલ અપાયેલો ચેક પરત ફરવાના કેસમાં ગાંધીધામની જ્યુડિશિયલ કોર્ટે આપેલો સજા તથા વળતરનો આદેશ સેશન્સ કોર્ટે રદ કરી આરોપીને નિર્દોષ જાહેર કરતો ચુકાદો આપ્યો હતો. ફરિયાદીએ આરોપી ટાંકને રૂા. 7 લાખ આપ્યા હતા, જેના પેટે અપાયેલો ચેક પરત ફર્યો હતો. આ કેસમાં જ્યુડિશિયલ કોર્ટે 18 માસની સજા અને ચેકની રકમ વળતર પેટે આપવાનો હુકમ કર્યો હતો, જેની સામે આરોપીએ ગાંધીધામની સેશન્સ કોર્ટમાં ધા નાખી હતી. કોર્ટે બંને પક્ષની દલીલો સાંભળ્યા બાદ નીચલી અદાલતનો હૂકમ રદ કરી આરોપીને નિર્દોષ છોડી મુકતો આદેશ કર્યો હતો.

રાપર તાલુકામાં વીજ ચેકિંગ ટીમો ત્રાટકી : લાખોની વીજચોરી પકડી પાડી

2 years ago Kutch Care News

copy image વાગડમાં ખુલ્લેઆમ થતી વીજચોરીને ડામવા વડોદરા અને રાજકોટની અલગ અલગ પંદર ટીમોએ રાપર અને ગામડાઓમાં ચેકિંગ હાથ ધરતાં લાખોની વીજચોરી ઝડપી પાડી હતી. રાપર, ત્રંબૌ, રામવાવ, ભરૂડીયામાં ચેકિંગ હાથ ધરતાં ડાયરેક્ટ ટ્રાન્સફોર્મરમાંથી કનેક્શન લઈ વીજચોરી કરતાં તત્વોને પકડી ઝડપી પાડ્યા હતા. સત્તાવાર રીતે બારથી તેર લાખની વીજચોરી પકડાઈ હોવાનું જાણવા મળ્યું હતું. પરંતુ બિનસત્તાવાર આ આંકડો કરોડને પાર કરી ગયો હોવાનું જાણવા મળ્યું હતું. તો ત્રંબૌમાં આ ચેકિંગ ટીમો પર હુમલો કરવાનો પ્રયાસ થયો હોવાનું પણ જાણવા મળ્યું હતું. સૂત્રો દ્વારા પ્રાપ્ત માહિતી મુજબ છેલ્લા ત્રણેક દિવસથી ગુજરાત ઊર્જા વિકાસ નિગમની ટીમોએ ચેકિંગ અર્થે કચ્છમાં ધામા નાખ્યા છે અને પૂર્વ કચ્છના શહેરી અને ગ્રામ્ય વિસ્તારમાં તપાસ હાથ ધરતાં વીજચોરી કરતાં તત્ત્વોમાં ફફડાટ ફેલાયો છે. દરમ્યાન . સૂત્રો દ્વારા...

ત્રંબૌમાં મુંબઈગરાના બંધ મકાનમાં નિશાચરો ત્રાટકયા

2 years ago Kutch Care News

copy image રાપર તાલુકાના ત્રંબૌ ગામમાં આવેલા મુંબઈગરાના એક બંધ મકાનને નિશાન બનાવી તસ્કરો તેમાંથી 15,800ની મતા ઊઠાવી ગયા હતા. નવા ત્રંબૌમાં રહેનારા ફરિયાદ છેલ્લા 45 વર્ષથી મુંબઈમાં રહી ગાદલાંની દુકાન ચલાવતા હતા. છેલ્લા એકાદ વર્ષથી નિવૃત્ત જીવન ગાળતા હોવાનું બહાર આવ્યું હતું. ત્રંબૌમાં આવેલા તેમના મકાનમાં ગત તા.9/5થી 11/6ના અરસામાં ગમે ત્યારે તસ્કરોએ ખાતર પાડયું હતું. આ મકાનમાં ભાડે રહેતા શખ્સ પોતાના વતન ગયા બાદ પરત આવતાં મકાનમાં ચોરી થયાનું બહાર આવ્યું હતું. આ બંધ પડેલાં મકાનમાં કોઈ રીતે તસ્કરો અંદર ઘૂસ્યા હતા અને અંદર રૂમમાં કબાટમાંથી રોકડ રૂા.10,000 તથા માળિયાં ઉપર રાખેલી વીજ મોટર તેમજ એરકૂલર, પંખો, બાથરૂમમાંથી ગીઝર, નળ, ફુંવારા વગેરે મળીને કુલ રૂા. 15,800ની મતાની ચોરી કરી તસ્કરો નાસી ગયા હતા. પૂર્વ કચ્છમાં વધતા જતા ચોરીના બનાવોથી સ્થાનિક લોકોની સાથે હવે મુંબઈગરાઓમાં પણ ભયની લાગણી પ્રસરી હતી. અત્રે નોંધનીય છે કે, થોડાક દિવસો પેલા પણ ગામમાં એકી સાથે અનેક મુંબઈગરાના બંધ મકાનોને તસ્કરોએ નિશાન બનાવી ઈલેક્ટ્રોનિક ઉપકરણો, ઘરવખરીની ચોરી કરી ગયાના બનાવ બન્યા સામે આવ્યા હતા.

ભુજના ડાડા બજારમાં જુગારના અડ્ડા પરથી નવ જુગારી પકડાયા

2 years ago Kutch Care News

copy image ભુજના ડાંડા બજારના એક રહેણાંક મકાનની અગાસી પર ચાલતા જુગારના અડ્ડા પર પોલીસે બાતમીના આધારે દરોડો પાડી પાંચ મહિલા સહિત નવ ખેલીઓને 58 હજારના મુદ્દામાલ સાથે ઝડપી સપાટો બોલાવ્યો હતો. એ-ડિવિઝનના કર્મીને બાતમી મળી હતી કે એક શખ્સ બહારથી જુગારીઓ બોલાવી પોતાના મકાન ઉપર ખુલ્લી છત પર જુગાર રમાડી રહ્યો છે. આ બાતમીના પગલે પોલીસે દરોડો પાડતાં તીનપતીનો જુગાર રમતા પાંચ મહિલા સહિત નવ ખેલીઓને રોકડા રૂા. 15,540, સાત મોબાઇલ કિં. રૂા. 12,500 અને એક ટુ-વ્હીલર કિ. રૂા. 30,000 એમ કુલે રૂા. 58,040ના મુદ્દામાલ સાથે ઝડપી કાયદેસરની કાર્યવાહી કરાઇ હતી.

ચોબારીમાં છરીના ઘા ઝીંકી યુવાનની હત્યા નિપજાવાઇ

2 years ago Kutch Care News

ભચાઉ તાલુકાના ચોબારી ગામમાં યુવતી સાથેના સંબંધ અને તેને મળવા જવા મુદ્દે બે શખ્સો એ યુવાન ઉપર છરી વડે હુમલો કરી તેની હત્યા નિપજાવી હતી. હત્યાના બનાવને પગલે ભારે અરેરાટી પ્રસરી હતી. ચોબારી ગામના મોમાયમોરામાં રહેનારા યુવાનની ગત રાતના અરસામાં દરમ્યાન ગમે ત્યારે હત્યા કરવામાં આવી હતી. જે યુવાનની હત્યા કરાઇ છે તેની સગાઇ ચારેક મહિના અગાઉ કરવામાં આવી હતી. ખેતી કામ સાથે સંકળાયેલો આ યુવાનનો પરિવાર ગત રાતના વાળુ-પાણી કરીને રાત્રે અગ્યારેક વાગ્યા સુધી પરિવારના સભ્યો સાથે વાતચીત કરતા હતા, બાદમાં યુવાન પોતાના ઘરના ધાબા ઉપર સૂવા માટે ચાલ્યો ગયો હતો, જ્યારે તેના માતા-પિતા અને બહેન આંગણામાં તથા બનાવના ફરિયાદી અને આ યુવાનના મોટા ભાઇ પોતાના રૂમમાં સૂવા માટે ગયા હતા. તે...