Crime

રૂા. 43,480ના મુદામાલ સાથે એક ઇસમને પકડી પાડતી માનકુવા પોલીસ

Kutch Care News April 18, 2024

copy image સૂત્રો દ્વારા મળતી માહિતી મુજબ બાતમીના આધારે માનકૂવા પોલીસે ટુ-વ્હીલરથી ભારાપરથી પોતાના ગામ નારાણપર આવી રહેલા શખ્સને માદક પદાર્થ ગાંજો 987 ગ્રામ સાથે પકડી પાડયો હતો. આ માલ તેણે લુણીની મહિલા પાસેથી લીધાનું કહ્યું હતું. આ અંગે માનકૂવાના પી.આઇ. ડી.એન. વસાવા ફરિયાદી બની નોંધેલી ફરિયાદ અનુસાર માનકૂવા પોલીસના સર્વેલન્સ સ્ટાફને મળેલી બાતમીના આધારે પંચોને સાથે રાખી દરોડો પાડતા નારાણપર ગામના બસ સ્ટેશનથી ભારાપર જતા રસ્તે બાતમીવાળી ટુ-વ્હીલર દેખાતાં તેને ઊભી રખાવી ડીકી ખોલાવતાં તેમાંથી 987 ગ્રામ માદક પદાર્થ ગાંજો જેની કિં. રૂા. 9,870 મળી આવ્યો હતો. આ બાદ માનકૂવા પોલીસે આ માદક પદાર્થ ગાંજા સાથે ઝડપાયેલા આરોપી ની તપાસ લેતાં તેની પાસેથી ગાંજા ઉપરાંત એક મોબાઇલ જેની કિં. રૂા. 3000 અને રોકડા રૂા....

તીક્ષણ હથિયાર વડે કોઈ બદમાશે નંદી ઉપર હુમલો કરતા લોહીલુહાણ નંદીની ગૌસેવકોએ સારવાર કરાવી

Kutch Care News April 18, 2024

ગરડા પંથક વિસ્તારમાં વાયોરથી છ કિલોમીટર ખારોઈ ગામની સીમમાં કોઈ બદમાશે નંદી ઉપર તીક્ષણ હથિયાર વડે હુમલો કરતા લોહીલુહાણ નંદીની ગૌસેવકોએ સારવાર કરાવી હતી. નંદી પર હુમલાની વાયોર ગૌસેવા સમિતિના કાર્યકરોને જાણ થતાં તેઓ બનાવ સ્થળે જઈ વાયોર સરહદ દૂધ ડેરીના ડોક્ટરોને ફોન કરતાં તેઓએ તાત્કાલિક ધોરણે આવીને નંદીને સારવાર આપી હતી. વાયોર ગૌસેવા સમિતિના કાર્યકરો ગાયોને નિત્ય ઘાસચારો, ઘાયલ પશુઓની સારવાર કરતાં હોય છે, તેમને વાયોર સરહદ ડેરી દ્વારા પૂરેપૂરો સહયોગ આપવામાં આવે છે તેમજ રાજકીય અને સામાજિક આગેવાનો તથા ગ્રામજનો દ્વારા પણ પૂરતો સહયોગ મળતો રહે છે, પરંતુ આ મૂંગા પશુઓ પર અવાર-નવાર અત્યાચાર થતાં રહે છે, જે ન થવા જોઈએ, એવું જણાવી આ બનાવને વાયોર સમસ્ત હિન્દુ સમાજ તેમજ વાયોર ગૌસેવા સમિતિ દ્વારા નિંદા કરવામાં આવી હતી.

સુપર હોટલની સામે પાર્કિંગમાં ઊભેલા ટેન્કરની ટાંકીમાંથી રૂા. 11,160ના ડીઝલની ચોરી

Kutch Care News April 18, 2024

copy image ખાવડાથી દિનારા જતા રોડ પર સુપર હોટલની સામે પાર્કિંગમાં ઊભેલા ટેન્કરની ટાંકીમાંથી રૂા. 11,160ના ડીઝલની ચોરી થતાં ત્રણ આરોપી વિરુદ્ધ ફરિયાદ નોંધાઇ. આ અંગે ખાવડા પોલીસ મથકે સુપર હોટલના માલિકએ નોંધાવેલી ફરિયાદ મુજબ સોમવારની મધ્યરાત્રે તેની હોટલની સામે પાર્કિંગમાં ઊભેલા ટેન્કર ની ટાંકીમાંથી 120 લિટર ડીઝલ જેની કિં.રૂા. 11,160ની ચોરી કરી આરોપીઓ નાસી ગયા હોવાની ગઇકાલે ફરિયાદ નોંધાવી છે.

ફરી એકવખત રૂા. 12,85,397ની ઓનલાઈન ઠગાઈ

Kutch Care News April 18, 2024

copy image માંડવી પરિવારનો કિસ્સો સામે આવ્યો છે, જેમાં મહિલા અને પુત્રીની એફ.ડી. પરથી ત્રણ લોન લઈ રૂા. 12,85,397ની ઓનલાઈન ઠગાઈ થયાનો નવતર કિસ્સો સામે આવ્યો છે. આ નવતર છેતરપિંડી અંગે અગાઉ અરજી આપ્યા બાદ ગઈકાલે બોર્ડર રેન્જ ભુજના સાયબર પોલીસ મથકે માંડવીમાં બાબાવાડીમાં રહેતા શખ્સે એ વિધિવત નોંધાવેલી ફરિયાદ મુજબ પત્નીના મોબાઈલ પર ટેક્સ મેસેજ આવ્યો હતો. પ્રિય ગ્રાહક, તમારી વીજળી રાત્રે ડિસ્કનેક્ટ થઈ જશે, તમારા પાછલા મહિનાનું બિલ અપડેટ થયું ન હતું અને મો.નં. આપી સંપર્ક કરવા જણાવતાં તે નંબર પર સંપર્ક કરતાં સામેવાળાએ વાતોથી વિશ્વાસ કેળવી એક લિંક એનિડેસ્ક એપ્લિકેશન ડાઉનલોડ કરાવી આંકડાકીય કોડ માગી લીધા હતા. આ બાદ થોડીવારમાં ફરિયાદીના ખાતાંમાંથી નાણાં ઉપડી ગયાના મેસેજ આવતા ફરિયાદીએ ફરી ફોન કરી નાણાં ઉપડી ગયાનું કહેતાં, સામેવાળાએ કહ્યું, રૂપિયા પાછા આવી જશે, તમે ફોન કટ ન કરતા અને જો તમારું બિલ અપડેટ ન થાય તો મારી નોકરી જશે તેવી વાતો કરી અઢી કલાક સુધી ફોન ચાલુ રાખ્યા બાદ ફરિયાદીને ખબર પડી કે સામાવાળો તમેના અલગ-અલગ ખાતાંમાંથી રૂપિયા ઉપાડી રહ્યો છે. આથી ફોન કટ કરી નાખ્યો, પરંતુ એનિડેસ્ક એપ ડિલિટ કરી ન હતી. સામાવાળા આરોપીએ ફરિયાદી અને તેના પત્ની તથા પુત્રના ખાતાંમાંથી ઓનલાઈન નાણાં ઉપાડી લીધાં હતાં. ફરિયાદી તેમના તથા પરિવારના ખાતાંની વિગતો ચકાસતા આરોપીએ ફરિયાદીના ત્રણ એફડી ઉપરથી લોન રૂા. 10,20,000 ઉપાડી આરોપીએ ટુકડે-ટુકડે અન્ય ખાતાંમાં ઉસેડી લીધા હતા. આ ઉપરાંત ફરિયાદી તથા પત્ની અને પુત્રના ખાતાંમાંથી નાણાં ઉપાડી લીધાં હતાં. આમ કુલે રૂા. 12,85,397ની ઓનલાઈન છેતરપિંડી થયાની ફરિયાદ નોંધાવી હતી .પોલીસે આગળ ની કાર્યવાહી હાથ ધરી છે.

નખત્રાણામાં ધાણીપાસા વડે જુગાર રમતા બે દરોડામાં 11 જુગારીને પકડી પાડયા હતા, જ્યારે ત્રણ ખેલી ભાગી ગયા

Kutch Care News April 17, 2024

copy image નખત્રાણા પોલીસે દેશલપર ની પૂર્વ બાજુ ધાણીપાસા અને ગંજીપાના વડે બે પડ જમાવી જુગાર રમતા બે દરોડામાં 11 જુગારીને પકડી પાડયા હતા, જ્યારે ત્રણ ખેલી ભાગી ગયા હતા, નખત્રાણા પોલીસને પેટ્રોલિંગ દરમ્યાન મળેલી માહિતીના આધારે દેશલપર ની પૂર્વ બાજુ બાવળની ઝાડીમાં ગંજીપાના વડે જુગાર રમતા વ્યક્તિઓને રોકડા રૂા. 16,150ના મુદ્દામાલ સાથે ઝડપી કાયદેસરની કાર્યવાહી કરવામાં આવી હતી જ્યારે ભચાઉ તાલુકાના નાની ચીરઇમાં જાહેરમાં જુગાર રમતા પાંચ ખેલીને રોકડા રૂા. 11,800 સાથે પકડી પાડયા હતા. આ જ વિસ્તારમાં બીજીતરફ નદીપટમાં ધાણીપાસા વડે જુગાર રમતા વ્યક્તિઓ નાસી છૂટયા હતા. આ દરોડા દરમ્યાન પોલીસે રોકડા રૂા. 13,110નો મુદ્દામાલ જપ્ત કરી નવ જુગારી વિરુદ્ધ ફરિયાદ કરી આગળ...

આદિપુરમાં બાઇકના શોરૂમમાં એક શખ્સ વિરુદ્ધ રૂા.3,25,000ની છેતરપિંડીની ફરિયાદ નોંધાઇ

Kutch Care News April 17, 2024

આદિપુરમાં બાઇકના શોરૂમમાં એક ગ્રાહકને બાઇક વેચી તેની રકમ પોતે રાખી તથા અન્ય એક ગ્રાહક પાસેથી એડવાન્સ લઇ શોરૂમમાં જમા ન કરાવી પોતે રકમ રાખી લેતાં એક શખ્સ વિરુદ્ધ રૂા.3,25,000ની છેતરપિંડીની ફરિયાદ નોંધાઇ હતી. આદિપુરમાં આવેલ કાર્ગો મોટર સાઈકલ એલએલપી જનરલ મેનેજરએ આ બનાવ અંગે પોલીસ મથકે ફરિયાદ નોંધાવી હતી. ફરિયાદી જાવા યેઝડીના આ શોરૂમમાં હતા, ત્યારે રાપરના એક શખ્સ અને અન્ય વ્યક્તિ ત્યાં આવ્યા હતા અને સેલ્સ મેનેજર કયાં છે અમારી બાઇકની લોન તમે શા માટે અટકાવો છો ? તેવા પ્રશ્નો કર્યા હતા. આ વ્યકિતએ રૂપિયા આપી દીધા હોવા છતાં આવું થતાં ફરિયાદીએ તપાસ કરી હતી. આ વ્યક્તિએ સેલ્સ મેનેજર ને રૂા.2.85 લાખ આપ્યા હતા. ફરિયાદીએ તે દિવસના સીસીટીવી ફૂટેજ તપાસતાં સેલ્સ મેનેજર પૈસા લેતો અને પોતાના ખિસ્સામાં નાખતો નજરે પડયો હતો. આ શખ્સને ફોન કરાતાં તેનો ફોન બંધ આવ્યો હતો. બાદમાં ફરિયાદી તેના ઘરે જતાં તેણે પૈસા લીધેલાનું જણાવી અને અચાનક પૈસાની જરૂરિયાત ઊભી થતાં પોતે વાપરી નાખ્યા હોવાનું કહ્યું હતું. બનાવ બહાર આવતાં ફરિયાદીએ અન્ય ગ્રાહકોનો પણ સંપર્ક કર્યો હતો, જેમાં એક વ્યક્તિને બાઇકની ડિલિવરી જોઇતી હોવાથી તેમણે પણ એડવાન્સમાં પૈસા આપ્યા હતા. જે કુલ રૂા.40,000 આ સેલ્સ મેનેજર પોતાની પાસે રાખી લીધેલાનું સીસીટીવીમાં જોવા મળ્યું આ શખ્સ વિરુદ્ધ કુલ રૂા. 3,25,000 ની છેતરપિંડી ની ફરિયાદ પોલીસે નોંધી આગળની કાર્યવાહી હાથ ધરી છે.

જળ સમસ્યા બની મોત નું કારણ

Kutch Care News April 16, 2024

ભુજમાં છેલ્લા 15 દિવસથી વિકરાળ બનેલી જળ સમસ્યા કેટલી ગંભીર હશે કે કોલોનીમાં માંડ મગાવેલું પાણીનું ટેન્કર મહિલા માટે મોતનું કારણ બન્યું હતું. શહેરના ન્યૂ લોટસ કોલોનીમાં લોન્ડ્રીનું કામ કરતા 50 વર્ષીય મહિલાને ટેન્કરમાંથી પડોશીઓ પેયજળ નહીં આપતાં બાદમાં મહેણાં-ટોણાં મારતાં આખરે ગળેફાંસો ખાઈ આપઘાત કર્યું હોવાથી પાણી જાણે મોતનું કારણ બનતાં પોલીસે તપાસ હાથ ધરી છે. શહેરની પાણી સમસ્યા હિંસક બની હોવાના બનાવ અંગે ગઈકાલે જ ફરિયાદ નોંધાઈ હતી ત્યારે પાણીની કટોકટીને લઈ ન્યૂ લોટસ કોલોનીમાં ટેન્કર મગાવાયા બાદ પડોશીઓની કથિત પજવણીને લઈને 50 વર્ષીય આધેડ મહિલાએ ગળેફાંસો ખાઈને આપઘાત કર્યાની ફરિયાદ મૃતકના પુત્રીએ 12 પડોશીઓ વિરુદ્ધ નામજોગ ગઈકાલે નોંધાવી છે. મૃતકે હિન્દીમાં લખેલી સ્યૂસાઈડ નોટ પણ પોલીસને મળી છે. આ બનાવ ભલે આપઘાતનો છે, પરંતુ એની પાછળના કારણમાં ભુજમાં પાણીની ગંભીર કટોકટી પરોક્ષ જવાબદાર છે. એકાદ પખવાડિયાથી પાણી માટે ભુજવાસીઓએ સંઘર્ષ કરવો પડી રહ્યો છે. પાણી મુદ્દે મહિલાએ આત્મહત્યા કરી હોય એવી ઘટના અભૂતપૂર્વ છે. આ બનાવ અંગે મૃતક પુત્રી એ બી-ડિવિઝન પોલીસમાં નોંધાવેલી ફરિયાદ મુજબ તેમના પિતાનું ચૌદ વર્ષ પહેલાં અકસ્માતમાં મોત થયું હતું અને માતા જમનાબેન ભુજમાં ન્યૂ લોટસ કોલોનીમાં એકલા રહેતાં અને લોન્ડ્રીનું કામકાજ કરતા હતા. દસેક દિવસ પહેલાં ફરિયાદીને મૃતક માતાનો ફોન આવ્યો હતો અને તેમણે જણાવ્યું કે શહેરમાં પાણીની સમસ્યા હોવાથી ટેન્કરથી પાણી આપે છે પરંતુ પડોશીઓ પાણી ભરી લે છે અને તેમને પાણી ભરવા દેતા નથી અને મને એકલી જોઈ ગાળો આપે છે. આથી ફરિયાદી પુત્રીએ માતાને શાંત રહેવાની સલાહ આપીને થોડા દિવસમાં આવી જશે તેવું આશ્વાસન આપ્યું હતું. બાદમાં ફરી ફરિયાદીને માતાનો ફોન આવ્યો હતો અને પડોશીઓ ઝપ્પા-ઝપ્પી કરી બીભત્સ ગાળો આપતા હોવાનું રડતાં-રડતાં જણાવ્યું હતું આ બાદ બીજા દિવસે મહિલાએ ગળેફાંસો ખાઈ આપઘાત કરી લીધાની કરુણ ઘટના સામે આવી હતી. મહિલાએ હિન્દી ભાષામાં સ્યૂસાઈડ નોટ લખી હતી જેમાં આરોપીઓનાં નામ અને વિગતો લખી છેમહિલાને મરવા મજબૂર કરવા સબબ આરોપીઓ તમામ ન્યૂ લોટસ કોલોની-ભુજ વિરુદ્ધ ફરિયાદ નોંધાવી છે. પોલીસે વિવિધ કલમો તળે ગુનો દાખલ કરી આગળની તપાસ હાથ ધરી છે.

શહેરના બસપોર્ટ પાસે ઘાતક હથિયારો સાથે આવેલાં ટોળાંએ ગાડી પર કર્યો હુમલો

Kutch Care News April 16, 2024

શહેરના બસપોર્ટ પાસે રાતે 10 વાગ્યા આસપાસ ઘાતક હથિયારો સાથે આવેલાં ટોળાંએ ઊભેલી ગાડી ના કાચ તોડી પાડયા હતા અને થોડીવાર બાદ ટુ વ્હીલરો લઇ અન્ય એક જૂથ પણ હથિયારો સાથે પહોચી આવ્યો હતો. બૂમા બૂમ કરતાં માહોલ દહેશતભર્યો થયો હતો. આ બાદ પોલીસ ઘટનાસ્થળે પહોંચી હતી, પરંતુ આ પહેલાં ટોળું નાસી ગયુ.સૂત્રો દ્વારા મળેલી માહિતી મુજબ જૂની અદાવતનાં પગલે આ બનાવ બન્યો હતો. કુહાડી, ધોકા અને ધારિયાથી આવેલા પ્રથમ જૂથે ભુજ ઇંડા ભંડાર પાસે ઊભેલી કાળી ગાડીના આગળપાછળ અને બારીના કાચ તોડતાં લોકો એકત્ર થઇ ગયા હતા. જો કે, કારમાં કોઇ હાજર ન હોવાનું નજરે જોનારાઓએ જણાવ્યું હતું. આ દહેશતભરી ઘટના બાદ થોડી જ મિનીટોમાં અન્ય જૂથ પણ ટુ વ્હીલરો પર બે-ત્રણ સવારી સાથે ધોકા-ધારિયા લઇને આવ્યો હતો અને બૂમા બૂમ કરી દહેશતનો માહોલ સર્જ્યો હતો. બનાવની જાણ થતાં પોલીસ અને પત્રકારો ઘટનાસ્થળે પહોચી ગયા હતા. પોલીસે આસપાસથી વિગતો મેળવી આગળની કાયવાહી હાથ ધરી છે.

ફિલ્મ અભિનેતા સલમાન ખાન ના ઘર પર ફાયરિંગ કરનાર લોરેન્સ બિસ્નોઈ ગેંગ ના બે આરોપીઓને પકડી પાડતી લોકલ ક્રાઈમ બ્રાન્ચ, પશ્ચિમ કચ્છ-ભુજ

Kutch Care News April 16, 2024

ફિલ્મ અભિનેતા સલમાન ખાન ના ઘર પર ફાયરિંગ કરનાર લોરેન્સ બિસ્નોઈ ગેંગ ના બે આરોપીઓને પકડી પાડતી લોકલ ક્રાઈમ બ્રાન્ચ,...

ફરજ બજાવતા નગરપાલિકાના કર્મચારી પર હુમલો

Kutch Care News April 15, 2024

શહેરમાં પાણીનો પ્રશ્ર આકરાં પ્રમાણમાં થયો હોય ત્યારે પાણીના કકળાટને લઈને શનિવારથી અડધી રાતે બોરવેલ ચાલુ કરવાના મુદ્દે નગરસેવકે નગરપાલિકાના કર્મચારી પર હુમલો કરી ફરજમાં રુકાવટ કર્યાની પોલીસ ફરિયાદ નોંધી હતી. રવિવારે રાત્રીના એકાદ વાગ્યે ફાયર સ્ટેશનની બાજુમાં ભુજિયા ટાંકા પાસે થયેલા આ હુમલા અંગે બી-ડિવિઝન પોલીસ મથકે નગરપાલિકામાં વોટર સપ્લાય એન્જિનીયર તરીકે ફરજ બજાવતા કર્મચારીએ નોંધાવેલી ફરિયાદ મુજબ કુકમા સમ્પની લાઈન ચાલુ કરીને ભુજિયા સમ્પ પાસે ટીમ સાથે આવતા આરોપીએ ગોરે સેનેટરી ટાંકા પર આવેલો બોરવેલ હમણા ચાલુ કરવા કહ્યું હતું. ફરિયાદીએ કહ્યું કે,કુકમા સમ્પથી ભુજિયા સમ્પ સુધી પાણી આવે તેની રાહ જોઈ રહ્યા છીએ. એક-બે દિવસમાં બોરવેલ ચાલુ કરી દેશું. આથી આરોપીએ તેના વિસ્તારમાં મોટરો ચાલુ રાખવાનું કહી ફરજમાં રુકાવટ કરી ગાળા-ગાળી કરીને જાન લેવા હુમલો કરી માર મારી જાનથી મારી નાખવાની ધમકી આપી હતી. ભુજિયાનો ટાંકો 10થી 1પ ફૂટ ઊંચો અને તેની આજુ-બાજુ પથરાળ છે. આવા માર ધક્કાથી ફરિયાદી પડી જાત તો તેની શું હાલત થાત તેવી દહેશત પણ ફરિયાદમાં લખાવી છે. ઉપરાંત આરોપી દારૂના નશામાં હોવાનું પણ ફરિયાદીએ જણાવ્યુ અને ફરિયાદમાં લખાવ્યા મુજબ પોલીસે ફરજમાં રુકાવટ, ધાકધમકી સહિતની કલમો તળે ગુનો દાખલ કરી આગળની કાર્યવાહી હાથ ધરી છે.